Қазақстан Республикасы Президентінің 2015 жылғы 29 желтоқсандағы № 153 Жарлығымен бекітілген Қазақстан Республикасы мемлекеттік қызметшілерінің әдеп кодексінің 3 тарауында Мемлекеттік қызметшілердің қызметтік әдебінің стандарттары көрсетілген. Мемлекеттік қызметшілерге қарапайым болу, жалпыға бірдей қабылданған моральдық-әдептік нормаларды сақтау, шындыққа сәйкес келмейтін мәліметтерді таратпау талаптары қарастырылған. Қарапайым болу ұғымына мемлекеттік қызметшілердің қоғамдағы өзін – өзі ұстау, мемлекеттік қызмет атына кір келтірмеу, оң бейнесін сақтау ұғымдары келтіріледі. Қоғамда жүріп тұруы, бет – бейнесі мен әдебіне ғана емес, қызметшінің іскерлігі де маңызды болып табылады. Мемлекеттік қызметшілердің жұмыс барысында осы қасиеттердің болуы сапалы әрі жағымды нәтиже береді.
Халыққа қызмет көрсету барысында адал әрі әдел қызмет көсету, мемлекеттік қызметшінің өз жұмысына жауапты екенін білдіреді. Әрбір мемлекеттік қызметшінің міндеті – азаматтар мен қоғам арасындағы сенімділікті білдіреді әрі басты мақсаттарының бірі болып табылады. Әрбір мемлекеттік қызметшінің біліктілігі, кәсіби білімі осы жағдайларда білінеді. Яғни, мемлекеттік қызметшінің кәсіби білім деңгейі мен біліктілігі моральдік әдептілігімен қатар жүреді.
Әдеп жөніндегі уәкіл – қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексін бұзушылықтардың профилактикасын қамтамасыз ету қызметін жүзеге асыратын, сондай-ақ өз функциялары шегінде мемлекеттік қызметшілер мен азаматтарға консультация беретін мемлекеттік қызметші.
Әдеп жөніндегі уәкілдің дербес лауазымы аумақтық бөлімшелері немесе ведомстволарының аумақтық бөлімшелері, шет елдегі мекемелері бар орталық мемлекеттік органдарда (құқық қорғау және арнаулы мемлекеттік органдарды, сондай-ақ Қазақстан Республикасының Қорғаныс министрлігін қоспағанда), сондай-ақ облыстар, республикалық маңызы бар қалалар және Астана әкімдерінің аппараттарында енгізіледі. Аумақтық бөлімшелері немесе ведомстволарының аумақтық бөлімшелері жоқ мемлекеттік органдарда (құқық қорғау және арнаулы мемлекеттік органдарды, сондай-ақ Қазақстан Республикасының Қорғаныс министрлігін қоспағанда), орталық мемлекеттік органдардың ведомстволарында және аумақтық бөлімшелерінде, орталық мемлекеттік органдар ведомстволарының аумақтық бөлімшелерінде, шет елдегі мекемелерде, тексеру комиссияларында, облыстық маңызы бар қалалар, аудандар, қалалардағы аудандар әкімдерінің аппараттарында әдеп жөніндегі уәкілдің функциялары осы мемлекеттік органдардың қызметшілеріне жүктеледі.
Әдеп жөніндегі уәкілдің функциялары басшылық қызмет атқаратын, сондай-ақ ұжымда қадірлі және құрметке ие болған мемлекеттік қызметшіге жүктеледі.
«қазақстан республикасы энергетика министрлігі атомдық және энергетикалық қадағалау мен бақылау комитетінің абай облысы бойынша аумақтық департаменті» республикалық мемлекеттік мекемесі
