Оралда балаларды кинотеатрдан мектеп жанындағы лагерьге апара жатқан автобус өртеніп кетті. Бұл туралы Stan.kz ақпарат агенттігі «Мой город» басылымына сілтеме жасап хабарлайды.
БҚО Төтенше жағдайлар департаментінің баспасөз қызметі 13 маусым күні сағат 12:40-та Бельгер көшесінде автобус өртенгенін хабарлады. Өрт сағат 13:09-да оқшауланды.
Орал қалалық білім басқармасы автобуста 60 бала болғанын атап өтті. Өрт олар кинотеатрдан мектеп лагеріне қайтып келе жатқанда тұтанған. Автобусты №26 орта мектеп жалға алған.
Оқиғадан ешкім зардап шеккен жоқ.
Полицейлер 1986 жылы туған автобус жүргізушісінің техникалық байқаудан өтпеген көлік құралымен жолаушыларды тасымалдағанын және тасымалдаушының жолаушылар алдындағы азаматтық-құқықтық жауапкершілігін міндетті сақтандыруды жүзеге асырмағанын хабарлады.
№26 орта мектеп директорына да балаларды кинотеатрға шығаруды ұйымдастыруда тиісті жауапкершілік көрсетпегені үшін қатаң сөгіс берілді.
«Балаларды тасымалдау бойынша алдын ала мектеп тарапынан полиция департаментіне ешқандай өтініш түспеге», – деп атап өтті департаменттегілер.
