ІІМ басшысы Марат Ахметжанов Астанадағы банк қызметкерлерін кепілге алу оқиғасына қатысты пікір білдірді, деп хабарлады Halyq Uni тілшісі.
Бәрі аман-сау. Банктің кепілге алынған 7 қызметкері босатылды. Қылмыскер үсталып, уақытша ұстау изоляторына жеткізілді. Қазір оқиғаға қатысты тергеу амалдары жүргізіліп жатыр. Оқиға орнында барлау жұмыстары жүргізіліп жатыр, – деді ведомство басшысы.
Сондай-ақ министрдің айтуынша, күштік операция жүргізу барысында көз жасаурататын газ бен шулы гранаталар қолданылған.
Астана қаласының Қоғамдық денсаулық сақтау басқармасының мәліметінше, оқиға кезінде жараланғандар болмаған. Жедел медициналық жәрдем қызметкерлері «стресске жедел реакция» диагнозымен 3 кепілге алынған тұрғынды тексерді. Ауруханаға жатқызудың қажеттілігі туындамаған.
Еске сала кетсек, бұған дейін бұған дейін Астанада қаруланған ер адам банктердің бірінде келушілерді кепілдікке алғанын хабарлаған болатынбыз. Ол 7 адамды кепілге алып, талабы орындалмаса, үш сағаттан кейін біріншісін өлтіретінін ескерткен. Біраз уақыттан соң банк ғимаратында жүргізілген күштік операция сәтті өтіп, барлық кепілге алынғандар босатылды.
