Учаскелік дәрігерге 1962 жылы туылған ер адам ұзақ уақытқа созылған бас айналуына, жүру кезіндегі тұрақсыздыққа шағымданып жүгінген.
Науқас учаскелік дәрігердің медициналық тексеруінен кейін Семей қаласының жедел жәрдем ауруханасына жеткізілді.
Ауруханада науқас ең алдымен, неврологиялық реанимация бөлімшесіне жатқызылып және кезекші невропатологқа қаралды, кейін бас миының томографиясын өтті. Бақылау кезінде неврологиялық белгілер регрессияға ұшырады. ЭКГ динамикасында ST аздап көтерілуі III, avF, тропонин – 3,9 нг/мл құрады;
Невропатологтың қорытындысы: Дисциркуляторлы энцефалопатия. Созылмалы церебральды микроангиопатия, ішкі окклюзивті емес гидроцефалия; мидағы цистикалық-атрофиялық өзгерістер. Тромболиз көрсетілмеді.
Кезекші кардиолог науқасты тексеріп, эндоваскулярлық рентген хирургиясы бөлімінің меңгерушісі Айбол Маралбаевпен бірлесіп шұғыл тері арқылы коронарлық ем ұсынды.
Науқас шұғыл коронарлық ангиографияға №1 гибридті операция бөлмесіне жеткізілді. Коронарлық ангиографияда коронарлы синдромының екі тамырлы зақымдануы анықталды. Дәрігерлер оң жақ коронарлық артерияға реваскуляризация, стенттеу жүргізді.
Клиникалық диагноз: Жүректің ишемиялық ауруы. Коронарлық синдромның екі тамырлы зақымдануы. Декстрокардия. Сол жақ қарыншаның артқы қабырғасының ST сегментінің көтерілуімен жедел миокард инфарктісі. Екіншілік ишемиялық кардиомиопатия. Жүрек ырғағының бұзылуы, II дәрежелі артериялық гипертензия. Дисциркуляторлы энцефалопатия, декомпенсация.
Шұғыл медициналық көмек көрсетілгеннен кейін науқас амбулаторлық емдеуге жіберілді. Науқастың жағдайы қанағаттанарлық.
Естеріңізге сала кетейік, міндетті әлеуметтік медициналық сақтандыру енгізілгеннен кейін медициналық сақтандыру қоры есебінен жоғары технологиялық операциялар қазақстандықтар үшін қолжетімді болды.
