Төтенше жағдайлар министрлігінде Абай облысындаға табиғи өртті жоюға қатысқандарды мемлекеттік наградалармен марапаттау салтанатты шарасы өтті, деп хабарлайды ҚазАқпарат.
ҚР Президенті Қасым-Жомарт Тоқаевтың Жарлығына сәйкес төтенше жағдайлар жөніндегі бірінші вице-министр Ибрагим Күлшімбаев өрт сөндірушілерге, Қазавиақұтқару ұшқышына, Экология және табиғи ресурстар министрлігінің қызметкерлеріне, еріктілерге мемлекеттік наградаларды табыс етті.
Барлығы 22 адам мемлекеттік наградалармен марапатталды, оның ішінде ҚР ТЖМ-нің 14 қызметкері бар.
«Шынында да, отқа қарсы күреске қатысқандардың барлығы – нағыз батырлар, осы залдан тыс қалғандардың баршасы өз басшыларының ведомстволық наградаларымен марапатталатын болады. Айта кету керек, өртті жоюға қатысқандардың бәрі ақшалай сыйлықпен марапатталады. Құрметті әріптестер, өртті жоюға белсенді қатысқаныңыз үшін алғыс айтамын. Сіздерге жәнесСіздердің жақындарыңызға зор денсаулық пен амандық, Қазақстанымыздың игілігі үшін жұмыста жаңа табыстар тілеймін!», — деп атап өтті бірінші вице-министр.
Еске салайық, «Семей орманы» МОТ Батпаев орман шаруашылығы аумағындағы орман өрті 2023 жылдың 8 маусымында басталды. Өрттің аумағы 60 мың га құрады. Тілсіз жаумен күреске ТЖМ-нің, Орман шаруашылығы комитетінің, жергілікті атқарушы органдар мен Қорғаныс министрлігінің күштері мен құралдары, еріктілер – шамамен 1500 адам және 300-ден астам техника қатысты. Сондай-ақ өрт ошақтарын аэровизуалды тексеруді және су шашуды жүзеге асыру үшін 14 тікұшақ тартылды. Өртке қарсы күрес кезінде әуе кемелерімен көлемі 2000 тоннадан асатын 777 су шашылды.
Жалынмен күреске тартылған 14 орманшы қаза болды. Олар Президент Жарлығымен мемлекеттік наградалармен марапатталды.
