Бүгін Ертіс өзенінің оң жағалауында тұрғындар арасында ашық ауада «Баршаға арналған спорт» спорттық-бұқаралық іс-шарасы жобасының маусымының салтанатты ашылуы өтті.
Оған қала әкімінің орынбасары Ж. Мұқатаев пен дене шынықтыру және спорт бөлімі басшысы Бауыржан Дюсенбаев қатысты. Шара барысында «Yoga”, Crossfit», «Zumba», скандиаваниялық серуендеу сияқты спорт түрлері бойынша презентация өткізді.
Маусымның ашылуына 200-ден астам қала тұрғындары, оның ішінде балалар, аға буын және қала жастары қатысты.
Белсенді қатысушылар арасында»INVISTUS» спорт клубының жаттығуларына тегін қатысу үшін сертификаттар ұтыс ойыны өткізілді.
“Қала тұрғындары мен қонақтарын ашық жаттығуларға белсенді қатысуға шақырамыз. Ашық жаттығулар кестесі қала әкімдігі мен дене шынықтыру және спорт бөлімінің әлеуметтік желілерінде жарияланғанын еске саламыз”,— деп атап өтті спорт бөлімінің басшысы Б. Дюсенбаев.
