2023 жылдың 26 шілдесінде Семей қаласының Төтенше жағдайлар басқармасы «Орбита» балалар сауықтыру лагерінде 80 бала қатысуымен «Қауіпсіз демалыс» тақырыбында акция өткізді.
Бұл іс-шаралар балалардың қатысуымен орын алатын өрттердің шығуы және судағы балалардың батуы санын азайтуға бағытталған!
Акция барысында балаларға табиғи және техногендік сипаттағы төтенше жағдайлар кезіндегі іс-қимылдар туралы айтылып, алғашқы өрт сөндіру құралдарын пайдалану тәртібі айқын көрсетілді.
Сондай-ақ, құтқарушылар суға батып бара жатқан адамды қалай құтқару керектігін және оны құтқару үшін қандай құтқару құралдары қолданылатынын көрсетті.
Әрі қарай, балалардың алған білімдерін нақты бекіту үшін ТЖБ қызметкерлері викторина және көңілді старттар өткізді. Акция қорытындысы бойынша балаларға тәтті сыйлықтар таратылды.
