Абай облысында жылыту маусымына дайындық қатаң бақылауға алынды, деп хабарлайды ҚазАқпарат.
Алдағы жылыту маусымына дайындық мақсатында жалпы сомасы 8 098,2 млн теңгеге жылу желілері мен жылу көздерін жөндеу және қайта жаңғырту бойынша жоспарлы жұмыс жүріп жатыр.
Жөндеу жұмысы 30 қыркүйекке дейін аяқталуы керек.
Сондай-ақ, жылыту маусымының басына қарай «Ғаббасов» және «Орталық» қазандықтарын қайта жаңғыртуды аяқтау жоспарланып отыр.
Қазіргі таңда екі қазандықта да жұмыстың 80% аяқталды.
Айта кетейік, Абай облысын орталықтандырылған жылумен жабдықтау қуаты 100 Гкал/сағ астам 4 ірі жылу көзімен (ЖЭО — 1, АҚ-1, Семей қаласындағы «Орталық» қазандығы және Бородулиха ауданы Жезкент кентінің қазандығы) және қуаты 100 Гкал/сағ кем 40 жылу көзімен: Бородулиха ауданы — 6, Абай ауданы — 2, Аягөз ауданы – 5, Жарма ауданы – 2, Үржар ауданы – 2 және Курчатов қаласы – 4) қамтамасыз етіледі.
Бұдан басқа, облыс бойынша бюджеттік ұйымдарды 273 дербес қазандық жылумен жабдықтайды.
