Жыл сайын аса қажетті мамандықтар бойынша жергілікті бюджет есебінен түлектерге қосымша грант бөлінеді. Көпшілік қауым арасында бұл «әкім гранты» деген атауға ие.
Облыс əкімінің білім беру гранты мемлекеттік грантқа өтініш беру талабымен қабылданады. Грантқа ағымдағы жылы мектеп, колледж бітірушілері жəне бұрынғы жылдары мектеп бітіріп, биыл ҰБТ тапсырған талапкерлер үміткер бола алады.
Абай облысы әкімдігінің мәліметіне сүйенсек, талапкерлердің өтініштері мен құжаттары тамыз айының 5-18 аралығында қабылданған.
Жақында облыс әкімінің қаулысымен 2023-2027 оқу жылына арналған әкім гранты иегерлерінің тізімі бекітілді.
Сонымен, биыл білім гранты педагогикалық, экономикалық, техникалық, құрылыс, медициналық, ауылшаруашылық, IT мамандықтары бойынша бөлінді. Сонымен қатар теолог және дефектолог мамандықтарына қосымша 10 грант бөлінді.
