«AMANAT» партиясы Абай облыстық филиалында Сыбайлас жемқорлыққа қарсы іс-қимыл жөніндегі кеңес отырысы өтті. Отырысты кеңес төрағасының орынбасары Әділет Оралбеков жүргізді.
Кеңес отырысына кеңес мүшелері, «AMANAT» партиясы Абай облыстық филиалының атқарушы хатшысы Сеилбек Ысқақов, Абай облыстық филиалының Партиялық бақылау комиссиясының инспекторы Майра Құржықаева, аумақтық партия филиалдарының атқарушы хатшылары мен аумақтық партия филиалының төрағалары, бөлім басшылары қатысты.
Кеңес отырысының күн тәртібінде бірқатар мәселелер қарастырылды. Атап айтсақ, Аягөз қаласының сыбайлас жемқорлыққа қарсы іс-қимыл жөніндегі жұмыс жағдайы туралы, Аягөз және Үржар аудандарындағы 2023-2027 жылдары Абай облысы бойынша «AMANAT» партиясы сайлауалды бағдарламасын орындау жөніндегі Жол картасын іске асыру бойынша бірінші жартыжылдықтағы қорытындысы, 2023-2027 жылдарға арналған Сайлауалды бағдарламасының Жол картасын іске асыру барысы туралы «АМАNАТ» партиясы Аягөз аудандық филиалының есебі тыңдалды.
Партияның сайлауалды бағдарламасын іске асыру бойынша Аягөз, Үржар аудандарындағы атқарылған жұмыстарға келетін болсақ, Аягөз ауданы бойынша «AMANAT» партиясының сайлауалды бағдарламасында 2023 жылы 39 іс-шара жоспарланған. Қазіргі уақытта оның 15 орындалып, 24-ы орындалу үстінде. Үржар ауданы бойынша партияның сайлауалды бағдарламасын іске асыру жөніндегі Жол картасының ағымдағы жылға барлығы 69 іс-шаралар қарастырылған. 7 айда орындалғаны — 14 іс-шара, 53 — іс-шара орындалу үстінде. Аталған құрылыстардың барлығына 6 партиялық бақылау бекеті қойылды.
Бүгінгі күні аталған нысандардағы жұмыстарды «AMANAT» партиясының өңірлік филиалының партиялық бақылау комиссиясының мүшелері және мәслихат депутаттары өз бақылауында ұстауда.
«AMANAT» партиясының Абай облыстық филиалының баспасөз қызметі
