«SHARCEM (ШАРЦЕМ)» ЖШС-де орын алған еңбек қатынастары мен жұмысшылардың құқығы мәселесі Абай облысы әкімдігінің қатаң бақылауында.
Әйгерім СӘРСЕНҚАЛИ,
«Semeı tańy»
Жағдайды реттеу үшін 6 қыркүйекте облыс әкімі Нұрлан Ұранхаевтың төрағалығымен әлеуметтік әріптестік және әлеуметтік-еңбек қатынастарын реттеу жөніндегі облыстық үшжақты комиссияның отырысы өтті. Бұл комиссияның құрамына жұмыс берушілер, кәсіподақ ұйымдары мен мемлекеттік органдардың өкілдері кірді. Жиында еңбек қатынастары саласындағы мәселелер талқыланып, «Семей машина жасау зауыты» АҚ, «Теплокоммунэнерго» АҚ, «SHARCEM (ШАРЦЕМ)» ЖШС, «KAZ Minerals Aktogay» ЖШС кәсіпорындарына қатысты мәселелер қаралды.
Айта кетейік, бұған дейін «SHARCEM» ЖШС қызметкерлерінің жалақысын көтеру және еңбек жағдайын жақсарту мәселелері келісім арқылы шешілген болатын. Сондай-ақ тұрмыстық жағдайды жақсарту мақсатында асхана мен жатақханаға жөндеу жұмыстары жүргізілуде.
Қызметкерлер мен жұмыс берушілер арасындағы еңбек қатынастары Еңбек кодексімен реттелетінін естеріңізге саламыз. Қолданыстағы заңнамаға сәйкес қажетті шаралар қабылданатын болады. Бұл ретте жергілікті атқарушы орган өкілдері жұмысшылардың құқықтарын қорғау үшін барлық шараларды қабылдайтынын атап өтті.
