«AMANAT» партиясы Абай облыстық филиалында облыстық мәслихаттағы депутаттық фракцияның жиналысы өтті. Жиналысқа депутаттық фракция мүшелері, «AMANAT» партиясының Абай облыстық филиалының атқарушы хатшысы С.Ысқақов, облыстық жауапты басқарма басшылары, филиал қызметкері қатысты.
Жиынды Абай облысы мәслихатындағы «AMANAT» партиясы фракциясының төрағасы Ш.Жанаева ашып, жүргізді. Күн тәртібінде үш мәселе қаралды.
Бірінші сұрақ — облыс аумағында Жол картасының орындалуы туралы. Депутаттық фракция жұмысының басым бағыты — партияның сайлауалды бағдарламасының Жол картасын жүзеге асыру.
Өңірлік Жол картасындағы жоспарланған жұмыстар бойынша 9 айдың қорытындысы туралы Абай облысы экономика және бюджеттік жоспарлау басқармасының басшысы Роза Құдайбергенқызының есебі тыңдалды. Басқарма басшысы қазіргі таңда бағдарламада көрсетілген іс-шаралардың басым бөлігі орындалғандығын, бірқатары іске асырылуда екенін, Жол картасы аясында жоспарланған іс-шаралардың облыстық әкімдіктің қатаң қадағалауында тұрғанын атап өтті.
Екінші мәселе — Жол картасының нысаналы индикаторларының орындалуы туралы. Партияның 2023-2027 жылдарға арналған сайлауалды бағдарламасын тиімді жүзеге асыру мақсатында Абай облысы бойынша әр жылға нақты орындау көрсеткіштерін көрсете отырып Жол картасы, картаның әр бағыты бойынша депутаттар бекітілген. Депутаттық бақылаудың мақсаты — Жол картасы іс-шарасының уақытылы орындалуын, бюджеттің игерілуін, еңбек жағдайларының сақталуын бақылау. Жол картасы индикаторларының сапалы орындалуы, бақылануы, партиялық бекет жұмыстары туралы Абай облыстық мәслихатының депутаттары, фракция мүшелері С. Ахметов пен М.Қарашевтің есептері тыңдалды.
Қатысушы депутаттар облыстық жауапты басқарма басшыларына Жол картасының орындалу барысына, сапасына қатысты сұрақтар қойып, бірқатар өзекті мәселелерді көтеріп, ұсыныстарын жеткізді.
Күн тәртібіндегі үшінші мәселе — Мемлекет басшысы Қасым-Жомарт Тоқаевтың » Әділетті Қазақстанның экономикалық бағдары» атты Қазақстан халқына Жолдауын талқылау. Фракция мүшелері А.Маслова, Э.Жунусова, Қ.Қасенов, Ш.Жанаевалар Жолдаудағы еліміздің дамуының негізгі бағыттарына, маңызды бастамаларға кеңінен тоқталып, Жолдау туралы өз пікірлерін ортаға салды.
Жиынға қатысып отырған «AMANAT» партиясының Абай облыстық филиалының атқарушы хатшысы Сейілбек Абұйырұлы фракция мүшелеріне партияның сайлауалды Бағдарламасының сапалы іске асуын бақылауда белсенді атсалысу қажеттігін, партиялық рейтинг, әлеуметтік желідегі белсенділікті арттырудың маңыздылығы туралы атап айтып, фракция жұмысын жандандыру жайлы ұсыныстарын жеткізді.
Қортындысында фракция қаралған мәселелерге қатысты тиісті хаттамалық шешім қабылдады.
«AMANAT» партиясы Абай облыстық филиалының баспасөз қызметі
