ҚР Үкіметінің отырысында Абай облысының алдағы жылыту маусымына дайындығы талқыланды. Қазіргі уақытта жылу желілері мен жылу көздерін қайта жаңғырту жұмыстары аяқталуға жақын.
Тозығы жеткен жылу желілерін ауыстыруға 23,9 млрд теңгеге бөлінген. Жөндеу жұмыстары 85 пайызға орындалып, осы жылдың қыркүйек айының соңында аяқтау жоспарланған.
Облыс көлемінде жылыту маусымына 1,245 млн тонна (тұрғындарға – 567,9 мың тонна, орталықтандырылған жылу көздеріне – 595,4 мың тонна, бюджеттік ұйымдарға – 84,5 мың тонна) көмір қажет. Қазіргі уақытта өңірде ЖЭО мен жылу көздерінде 48 мың тонна көмір немесе нормативтік пайдалану қорының 181 пайызы бар.
Тұрғындар қажетті қатты отынның 34 пайызымен қамтамасыз етілген. Халыққа және бюджеттік ұйымдар үшін отынды уақытылы жеткізу жолдары толығымен қарастырлыған.
Семей қаласындағы «Ғаббасов» қазандығындағы жөндеу жұмыстарын 30 қыркүйекте аяқтау жоспарланған. Мұнда қуаттылығы сағатына 20 Гкал болатын қосымша №4 қазандықты орнату аяқталды, қазір іске қосу жұмыстары жүргізіліп жатыр.
«№2, №3 қазандықтардың дайындығы 80 пайызды құрайды және жылыту маусымының басында бұл қазандықтар дайын болады. №1 қазандық резервтік болып табылады, ол 30 қазанға дейін іске қосылады. Жылыту маусымына дайындық менің жеке бақылауымда», — деп атап өтті Нұрлан Ұранхаев.
Абай облысында алдағы жылыту маусымына дайындықтың жалпы процесі бекітілген жоспарға сәйкес қатаң түрде жүргізіледі.
Абай облысы әкімдігі
Республика күніне орай Семей қаласындағы Назарбаев Зияткерлік мектебінің ұйымдастыруымен «Ұлт рухы – домбыра үні» атты домбырашылар флешмобы өтті. Қаланың ірі...
Толығырақ...Details
