Аягөз аудандық мәслихат сессиясында Абай облысының әкімі Нұрлан Ұранхаев аудан әкімі лауазымына жаңа кандидатураны ұсынды. Мәслихат депутаттары Қанат Серікқанұлы Әділбайды Аягөз ауданы әкімі қызметіне тағайындауға келісім берді.
Қанат Әділбай – 1972 жылы 14 желтоқсанда Шығыс Қазақстан облысы, Аягөз ауданы, Аягөз қаласында дүниеге келген. 1990 жылы Аягөз қаласындағы Кешірім Бозтаев атындағы орта мектепті үздік бітірді.
1990-1996 жылдары Семей ет-сүт өнеркәсібі технологиялық институтында, қазіргі Шәкәрім университетінде «Агроөнеркәсіптік кешен салаларындағы экономика және басқару» мамандығы бойынша оқыды. Инженер-экономист. Экономика ғылымдарының кандидаты, ҚР Салық қызметінің үздігі.
Еңбек жолын 1996 жылы Семей қаласы бойынша Салық инспекциясының заң тұлғалардың салық салу бөлімінің бірінші категориялы маманы болып бастаған. Ұзақ жылдар бойы Семей қаласының Салық комитетінің төрағасы болып жұмыс істеп, кейін Қаржы министрлігінің жүйесінде еңбек етті.
2019-2021 жылдар аралығында Семей қаласы әкімінің бюджетті қалыптастыру және атқару, несие және кеден саясаты, банк мекемесі, жер қатынастары, ауыл шаруашылығы, ветеринария, өнеркәсіп, кәсіпкерлік, байланыс, туризм және сауда, еңбек инспекциясы мен қоршаған ортаны қорғау салалары жөніндегі орынбасары қызметін атқарған. «АКМ Стройсервис» ЖШС директоры болған.
Қанат Әділбай қызметке тағайындалғанға дейін Абай облысы мәслихатының экономикалық және қаржылық, кәсіпкерлік қызметті дамыту саласындағы тұрақты комиссиясының төрағасы болды.
Қанат Серікқанұлына жаңа қызметінде сәттілік тілейміз.
«ST»-ақпарат
23 тамызда өтетін Құрылтай сайлауын кезекті сайлау науқаны ретінде ғана емес, Қазақстанның жаңа саяси архитектурасын легитимдеу ретінде қарастырған жөн. Мұндай...
Толығырақ...Details
