29 қазан күні облыс орталығында Семей қалалық мәслихатының шығып қалған депутаттарының орнына сайлау өтті.
Сымбат ҚАЙРАТҚЫЗЫ,
«Semeı tańy»
Сайлаудың ашықтығы мен заңдылығын қамтамасыз ету үшін дауыс беру орындарында бейнебақылау орнатылып, дауыс беру барысын бақылайтын байқаушыларға да залдан орын берілді.
Таңғы сағат 7.00-ден кешкі сағат 20.00-ге дейін 11 сайлау учаскесі жұмыс істеді.
«Шығып қалған депутаттардың орнына өткен сайлау елімізде жарияланған ұлттық аза тұту күніне байланысты бір минут үнсіздікпен басталды. Ауа райының қолайсыздығына қарамастан сайлаушылар белсенділік танытты», -деді №93 учаскелік сайлау комиссиясының төрағасы Имдат Эфендиев.
Сондай-ақ қаладағы мүгедектігі бар адамдар өздерінің конституциялық құқықтарын пайдаланып, үйде дауыс берді.
