Мемлекет басшысы ҚасымЖомарт Кемелұлы Тоқаевтың «Egemen Qazaqstan» газетіне берген «Біз озық ойлы ұлт ретінде тек қана алға қарауы- мыз керек» атты сұхбатын бір деммен оқып шықтым. Сұхбатта Президент ауқымды мәселелерді көтерген.
Сұхбат басында Президент 2023 жыл еліміз үшін маңызды оқиғаларға толы болғанын атап өтті. Конституциялық Сот жұмысын бастады. Мәжіліс және барлық деңгейдегі мәслихат депутаттары жаңа ереже бойынша сайланды. Алғаш рет аудан және облыстық маңызы бар қала әкімдерін сайланды. Ауыл және аудандық маңызы бар қала әкімдерін сайлау жалғасты. Еліміздің түкпір-түкпірінде білім ошақтары, оның ішінде «жайлы мектептер» бой көтеруде. Ауылдарда денсаулық сақтау нысандары салынып жатыр. Әлеуметтік тұрғыдан осал топтағы азаматтарға кешенді түрде қолдау көрсету үшін Әлеуметтік кодекс қабылданды.
Зиянды еңбек жағдайында жұмыс істейтін азаматтар үшін арнайы төлемақы енгізілді. Табиғатты қорғауға жауапты мекемелердің қызметкерлеріне олардың өмірі мен денсаулығына төнетін қауіпқатерге қатысты үстемеақы төленетін болды. Медицина қызметкерлерінің, мектепте, колледжде және балабақшада жұмыс істейтін педагогтердің жалақысы өсті. Ұлттық қордан балаларға қаржы беру мәселесін реттейтін заң күшіне енді. Негізгі экономикалық көрсеткіштерді, оның ішінде инфляция деңгейін ескере отырып ең
төменгі жалақыны анықтайтын әдістеме қабылданды.
Қасым-Жомарт Кемелұлы 2024 жылы елімізде бірқатар ауқымды саммит, форумдар өтетінін атап өтті. Қазақстан бірнеше беделді халықаралық ұйымға, атап айтсақ Шанхай ынтымақтастық ұйымына, Ұжымдық қауіпсіздік туралы шарт ұйымына, Азиядағы өзара іс-қимыл және сенім шаралары жөніндегі кеңеске, Түркі
мемлекеттері ұйымына, Аралды құтқару халықаралық қорына, Азық-түлік қауіпсіздігі жөніндегі ислам ұйымына төрағалық етпек.
Бұл еліміздің әлемдік аренадағы беделін көтеретіні анық. Сонымен қатар биыл Жошы ұлысының іргесі қаланғанына 800 жыл толуына орай кең ауқымды зерттеулер қолға алынып,
Қазақстан тарихының көптомдығын әзірлеу жұмыс-тары да аяқталмақ. Бұл ауқымды шаруаға өзімізден 200-ден астам, шет елден 60-қа жуық маман жұмылдырылыпты. Президент Қаңтар оқиғасына қатысты: «Меніңше, қасіретті Қаңтар оқиғасына жылдар бойы қордаланған әлеуметтік-экономикалық проблемалар, жалпы тоқыраудың билік пен қоғамды аздырып-тоздыруы себеп болды. Бұл – айтпаса да түсінікті жайт»,-
деп өз пікірін білдіріп, мемлекетте үлкен және кіші президент деген болмауы керектігін айтты.
«Болашақта ел тізгінін ұстайтын азаматтар осы жағдайдан сабақ алып, мұндай нәрседен қашық болуға және тек қана мемлекеттің мүддесі мен қоғамның береке-бірлігін ойлауға тиіс»,- деді Мемлекет басшысы.
Президент лауазымына бір-ақ рет сайлану туралы ереже енді ешқашан өзгермейді. Қасым-Жомарт Кемелұлы бұл талап мемлекетіміздің тәуелсіздігі, біртұтастығы, аумақтық тұтастығы және басқару нысаны туралы нормалар сияқты мызғымастай етіп бекітілгенін қадап айтты.
Сұхбатта сонымен қатар көрші Ресеймен, Қытаймен қарымқатынас, атом электр станциясын салу, жылу электр орталықтарындағы және тұрғын үй-коммуналдық шаруашылығындағы мүшкіл ахуал, елдегі қымбатшылық, тұрмыстық зорлық-зомбылық сынды өзекті мәселелер көтерілді.
Қорытындылай келгенде, Президент айтқандай, «біз өткенді аңсаумен өмір сүрмеуіміз керек. Керісінше, келешегімізді кемел етуге ұмтылып, ұлттың ұлылығын нақты іспен дәлелдеуге тиіспіз.
Біздің бұрын кім болғанымыздан қазір кім екеніміз, ең бастысы, болашақта кім болатынымыз әлдеқайда маңызды».
Мұрат ӘЛИН,
Абай облысы ардагерлер кеңесінің төрағасы
