Ағымдағы жылы Абай атындағы музыкалық-драма театры 90 жылдығын атап өтеді. Бибігүл Төлегенованың 95 жасқа толуына орай openАir ән фестивалін ұйымдастырылады. Бұл туралы өңірлік коммуникациялар қызметі алаңында Абай облысының мәдениет, тілдерді дамыту және архив ісі басқармасының басшысы Назира Идрисова баяндады.
— Театр мерейтойына орай естелік кітап шығару, мамыр айында «Ес-Аймақ» атты халықаралық театрлар фестивалін ұйымдастыру жоспарланған. Құнанбай Өскенбайұлының 220 жылдығына арнайы Абай ауданында «Асыл мұра» республикалық қолөнершілер байқауын өткізу жоспарда бар, — деп атап өтті Назира Идрисова.
Әмина Өмірзақованың, драматург Қашаф Туғанбаевтың, жазушы Күлиман Жүнісова және Виктор Мирогловтың, ақын Ольга Юровскаяның, Жәнібек Кәрменовтың мерейтойларына арналған іс-шаралар жоспарланып отыр.
— Бибігүл Төлегенованың 95 жасқа толуына байланысты эстрада жұлдыздарының қатысуымен Openair форматында ән фестивалі өткізіледі. Жазушы-драматург Роза Мұқанованың, әнші Толғанбай Сембаевтың, ақын Аманғазы Кәріпжанның мерейтойларына орай бағдарлама бар, — деп толықтырды спикер.
Сәуір айында халықаралық би күніне орай «АrtOpen» облыстық хореографиялық өнер байқау-фестивалі, «Жайна-Абай елі!» облыстық көркемөнерпаздар байқауы болады. «Абай» қорының Президенті Отантай Кәріпжановтың жазушы, драматург Дәулет Сейсенұлының, ақын, композитор Құсмілия Жырғалұлының, сатирик, әнші, профессор Аймұхамбет Бейсембековтің мерейтойларына байланысты шығармашылық кештері өтеді.
— 8 наурыз күні Абай атындағы театрда облыс әкімінің «Жаңа sound» эстрадалық-симфониялық оркестрінің концерті өтеді. Концерттік бағдарламада отандық және шетелдік кинофильмдердің саундтректері мен әндері орындалады, — деп қорытындылады Назира Идрисова
Жарма ауданында Төлеу Көбдіковтің 150 жылдығына орай республикалық ақындар айтысы, Тұрсынғазы Рахимов атындағы республикалық дәстүрлі әншілер байқауы, Еркеғали Рахмадиев атындағы республикалық композиторлар байқауы, Әйткеш Толғанбаевтың 100 жылдығына орай халықаралық скрипкашылар байқауы осы жылға жоспарланып отыр.
