Қазақстан Республикасы Орталық сайлау комиссиясының төрағасы Нұрлан Мәжитұлы Әбдіров Абай өңіріне жұмыс сапарымен келді.
Нұрлан Мәжитұлы Абай облысының аумақтық сайлау комиссиясаларының жұмыс барысымен танысып, Жарма және Бесқарағай аудандарында жас сайлаушылармен кездесу өткізді. Жиын барысында Нұрлан Мәжитұлы комиссияны одан әрі дамытудың стратегиялық перспективаларына және оның пайым, миссия, құндылықтар, қағидаттар, мақсаттар, басымдықтар сияқты элементтерін айқындауға баса назар аударылып отырғанын жеткізді. Жиын барысында ОСК төрағасы сайлау комиссиясының басты мақсаты азаматтардың еркін сайлау арқылы мемлекетті басқаруға қатысуына жәрдемдесу екенін атап өтті.
Сонымен қатар Үндістан, Венгрия, Оңтүстік Корея мемлекеттеріне арнайы жұмыс сапарымен барып, сол елдердегі сайлаудың ұйымдастырылуы, сайлау органдары мен комиссияларының жұмыстары туралы іс–тәжірибе жинақтау мақсатында Орталық сайлау комиссиясында атқарылып жатқан ауқымды істер жөнінде айтып өтті. Кездесу барысында қатысушылар өзекті электораттық мәселелер бойынша онлайн-сауалнама сұрақтарына жауап берді. Қатысушылар президенттікке кандидаттың міндетті түрде мемлекеттік қызметте немесе сайланбалы мемлекеттік лауазымдарда жұмыс өтілінің болуы, мүгедектігі бар азаматтың мемлекет басшысы лауазымына сайлануына көзқарасыңыз, сот қылмыс жасағаны үшін кінәлі деп таныған және бас бостандығынан айыру орындарында отырған азаматтардың дауыс беру құқығы жөніндегі сауалдарға пікірлерін білдірді.
Респонденттердің сайлау учаскелерінде толтырылған бюллетеньмен суретке түсіруге (селфи) тыйым салуды жақтау немесе жақтамау, интернет-дауыс беру немесе дәстүрлі дауыс берудің қайсысы оң деген сынды бірқатар сауалдарға жастар өздерінің жауаптарын беріп, қорытындысын бірден пайыздық көрсеткішпен шығарды.
Жиын соңында Достық үйінің, қалалық ішкі саясат бөлімінің, жастар орталығының мамандары, студенттер, жеке кәсіппен айналысатын жастар Орталық сайлау комиссиясының төрағасына өздерінің сауалдарын жолдап, ашық пікір алмасты. Нұрлан Мәжитұлы ойларын ортаға салып, үздік сауалдарын жолдаған жастарға Қазақстан Республикасы Орталық сайла
у комиссиясының бастамасымен жарық көрген «Қазақстан Республикасының Орталық сайлау комиссиясына 30 жыл. Қазақстан Республикасының сайлау жүйесін трансформациялау» монографиясын, сондай-ақ 2012-2023 жылдар аралығында өткізілген сайлау және референдумдар туралы ақпараттық жинақты табыс етті.Жиын соңында Орталық сайлау комиссиясының төрағасы азаматтардың сайлау құқықтарын қамтамасыз ету қажеттілігіне және байқаушылардың жұмысы үшін жан-жақты жағдайлар жасалу керектігін баса атап өтті.
