Қазақстан Республикасы Парламенті Мәжілісінің депутаты Сабильянов Нұртай Салихұлы Көкпекті ауданы Тассай ауылына келіп, халықпен кездесу өткізді.
Кездесу барысында тұрғындар тарапынан көктемде су тасқыны кезіндегі бұзылған көпірді қайтадан салу, ауылды жоғары жылдамдықты интернетпен қамтамасыз ету,электр жарығының жиі өшуі, Қалбатау-Майқапшағай жолын жөндеу және басқа да мәселелер көтерілді,ұсыныстар берілді.
Нұртай Салихұлы өз кезегінде барлық мәселелер бойынша депутаттық сауал жолдап, мәселелердің оң шешімін табуға барлық күш жігерін салатынын атап өтті.
Сонымен қатар Нұртай Салихұлы Тассай ауылындағы балық өңдейтін цехтың жұмысымен танысты.
Қазақстан Республикасы Парламенті Мәжілісінің депутаты Сабильянов Нұртай Салихұлы «Amanat» партиясының Көкпекті аудандық филиалының ғимаратында аудан тұрғындарын жеке мәселелері бойынша қабылдады. Қабылдауға жазылған аудан тұрғындары тарапынан аудандық аурухананы күрделі жөндеуге қаражат бөлу, балаларға арналған лагерь салу, “Қалбатау-Майкапшағай” жолын жөндеу мәселелері көтерілді.
Нұртай Салихұлы өз кезегінде барлық мәселелермен жіті танысып, шешу жолдарын қарастырып, қолдау көрсететінін атап өтті.
Қазақстан Республикасы Парламенті Мәжілісінің депутаты Сабильянов Нұртай Салихұлы “Қазавтожол” акционерлік қоғамының Абай облыстық филиалының директоры Айбек Ануарбековпен және мердігер компанияның өкілдерімен кездесіп, тұрғындар тарапынан көптеп көтерілетін «Қалбатау — Майқапшағай» учаскесіндегі жол құрылысының барысымен танысып, жұмыстарды күшейту қажет екенін атап өтті.
