Бұл туралы бүгін Абай облысының өңірлік коммуникациялар қызметінде «Бақша дақылдарын сату: жаппай тамақтан уланудың алдын алу» тақырыбында өткен брифинг барысында «Семей қаласының санитарлық-эпидемиологиялық бақылау басқармасының басшысы Шыңғыс Шокушев баяндады.
Спикердің айтуынша, 2024 жылдың алғашқы жарты жылдығында Семей қаласы бойынша бақылау және қадағалау объектісіне («Brownies» кафесі) байланысты инфекцияның бірыңғай берілу факторымен жіті ішек инфекцияларымен 1 топтық сырқаттану тіркелген.
— Семей қаласы бойынша тамақтан уланудың алдын алу аясында қоғамдық тамақтану нысандарына бақылау жүргізілуде, түсіндіру жұмыстарымен 38 кәсіпкерлік субъектісі қамтылды, — деп атап өтті басқарма басшысы.
Сондай-ақ, ағымдағы жылдың өткен кезеңінде түрлі санитарлық-ағарту жұмыстары жүргізілді. Тұтынушылардың құқықтық сауаттылығын арттыру мақсатында күн сайын базарларда «Әр үйге қауіпсіз азық-түлік», «Денсаулық кепілі — қауіпсіз тамақтану», «Салауатты азық-түлік — халық денсаулығы» тақырыптарында 4 акция ұйымдастырылған.
Қала тұрғындары арасында бақша дақылдарын тұтынумен байланысты химиялық этиологиядағы тамақтан улану тіркелген жоқ, бірақ қарбыз пен қауын пайдаланғаннан кейін ішек инфекцияларымен ауыру жағдайлары орын алған.
— Жидектерді пайдаланар алдында міндетті түрде жуу керек, ал олар жуылмайды және өткізу орындарында лас мүкәммалмен кесіледі. Сонымен қатар, олар 3-4 градустан аспайтын температурада суық жағдайларда 6 сағаттан артық сақталмауы тиіс, — деп қорытындылады тамақтану объектілерін бақылау мен қадағалау және техникалық регламенттер талаптарының сақталуын бақылау бөлімінің бас маманы Әсия Жарылғапова.
