Абай облысының білім беру инфрақұрылымы мектептерде Starlink жобасын қосу арқылы өз дамуына жаңа серпін алды. Абай облысының білім басқармасының басшысы Нұржан Ахметқалиевтің айтуынша, өңіріміздегі барлық мектеп интернетпен қамтамасыз етілген.
— 2023-2024 оқу жылында 167 мектепте интернет жылдамдығын жақсарту бойынша ауқымды жұмыстар атқарылды. Осы мәселеге байланысты шарттарды қайта күшіне енгізу нәтижесінде жылдамдық 2-4 Мбит/сек-тен 10-20 Мбит/сек — ке дейін ұлғайтылды. Бұл интернет жылдамдығы төмен мектептер санын өткен жылмен салыстырғанда 43% — ға қысқартуға мүмкіндік берді, — деп атап өтті спикер.
Айта өтсек, 133 интернет жылдамдығы төмен мектепке ерекше назар аударылып, оларды Starlink-ке қосылу туралы шешім қабылданды.
— Бүгінде 127 мектеп интернет желісіне қосылған, ал қалған 6 мектеп РФ шекаралас ауылдарда РҚКО пысықталуда — деп атап өтті Нұржан Ахметқалиев.
Облыстағы 302 мектептің ішінде қалалық мекемелер бүгінде интернет жылдамдығымен 20-дан 200 Мбит/сек-ке дейін артқан. Ал ауылдық мектептерде техникалық мүмкіндіктер мен жүргізілген жұмыстарға байланысты жылдамдық 4-тен 214 Мбит/с-қа дейін өзгереді.
