2024 жылдың бірінші жартыжылдығында Абай облысында 72,8 мың аула тазартылды. Абай облысының табиғи ресурстар және табиғат пайдалануды реттеу басқармасының басшысы Айнұр Ақмырзаның айтуынша, полигондарға 43,9 мың тонна қатты тұрмыстық қалдықтар шығарылған.
— Ағымдағы жылы Абай облысы бойынша 239 саябақ пен парктер, сондай-ақ «Таза Қазақстан» экологиялық акциясы аясында 245 ескерткіштің аумағы жиналды. Семей қаласында аумақты абаттандыру және санитарлық жай-күйі проблемаларын жедел жоюға бағытталған «Таза Қазақстан» платформасы іске қосылды. Қазіргі уақытта 43 өтінім қабылданды, оның 29-ы орындалды. Ал «Мөлдір бұлақ» апталығы аясында негізгі іс-шаралар Аягөз, Бесқарағай, Үржар және Жаңасемей аудандарында өтті, онда өзендер мен көлдердің жағалау аймақтары тазартылды. 801 су айдыны тазартылып, 30,8 мың метр арық пен 30 субұрқақ жиналды, — деп атап өтті баспасөз мәслихатының спикері.
Облыстың табиғи ресурстар және табиғат пайдалануды реттеу басқармасы басшысының деректеріне сәйкес, облыста 615 шаршы метр төсеніш жөнделіп, ауыстырылды.
Сонымен қатар, облыста коммуналдық қалдықтарды басқару жөніндегі бағдарламаларды әзірлеу жұмыстары басталды. Семей қаласына арналған бағдарлама әзірленіп, бекіту сатысында тұр. Осы мақсатқа бюджеттен 15 млн теңге бөлінді.
— Қалалар мен аудандардың әкімдіктері рұқсат етілмеген қоқыстарды жою бойынша жұмыстар жүргізуде. Семейдегі қоқыс үйінділерін әкетуге жергілікті бюджеттен 54 млн теңге бөлінді. 24 шілдеде қала шегінде қоқыс шығару бойынша байқау өткізіліп, «Семей Тазалық» ЖШС кәсіпорны жеңімпаз атанды, — деп хабарлады басқарма басшысы.
Ғарыштық мониторинг деректері бойынша, 2024 жылы облыс аумағында 55 рұқсат етілмеген полигон анықталып, олардың барлығы жойылды. Сондай-ақ, ресімделген жер учаскелері бар полигондарға қоршаулар орнату мәселесі шешілуде.
-Бүгінгі таңда Семейде қалдықтарды рұқсатсыз орналастыруды анықтау және жолын кесу жөніндегі жұмыс тобы құрылды, оған Абай облысының экология департаменті, Абай облысының полиция департаменті, Абай облысының Табиғи ресурстар және табиғат пайдалануды реттеу басқармасы және Семей қаласы әкімдігінің өкілдері кіреді, — деп нақтылады Айнұр Ақмырза.
