Мемлекет және қоғам қайраткері Амалбек Тшанов Assyltas TV youtube-арнасына берген сұхбатында Олимпиадаға барған боксшылардың кемшілігі туралы айтты, — деп хабарлайды Massaget.kz тілшісі.
Амалбек Тшанов Олимпиадаға барған боксшылардың шаршап қалғанын атап өтті.
yandex.kz
Жарнама
Промокод на 30000 тенге на запуск первой рекламы
logo
search
menu
ПРЕЗИДЕНТ ЖОЛДАУЫ — 2024
«Бекзат Саттархановтың өлімі сабақ болу керек еді». Амалбек Тшанов боксшыларға ренішін білдірді
«Бекзат Саттархановтың өлімі сабақ болу керек еді». Амалбек Тшанов боксшыларға ренішін білдірді
Фото: Видеодан алынған кадр
13 тамыз 2024, 09:44
Views
1182
Мемлекет және қоғам қайраткері Амалбек Тшанов Assyltas TV youtube-арнасына берген сұхбатында Олимпиадаға барған боксшылардың кемшілігі туралы айтты, — деп хабарлайды Massaget.kz тілшісі.
Амалбек Тшанов Олимпиадаға барған боксшылардың шаршап қалғанын атап өтті.
«Жастайымнан бокста жүрген адаммын. КСРО-ның спорт шеберімін. Сондықтан бокстың артық-кемшілігін білемін. Алғашқы кезде бокс федерациясын Бекет Махмұд деген кісі басқарды. Соның уақытында бокстың жоғары дәрежеге көтерілген кезі еді. Қазіргі бокста тренерлердің өзінде де ақшаға құмарлық деген әбден бел алып кеткен. Осы жолы біздің боксшылардың бәрі шаршап қалған. Бірінші раундта жақсы ойнайды да, екінші, үшінші раундта ешқандай спорттық әрекет жасауға шамалары келмей жатыр. Мұның бәрі шаршаудан болады. Бұл жерде бәрі де бас тренердің бұйрығымен барады ғой. Ол жерде де жабық, бәрі жемқорлық. Олар әбден үйреніп қалған», — деді ол.
Оның айтуынша, дүниеқұмарлық пен жалпақтауды қою керек.
«Біріншіден, дүниеқұмарлық дегенді тоқтату керек. Екіншіден, бір қазақтың жігіті белгілі бір салмақтан жақсы нәтижемен келсе, соның қасында 20-30 бала жүреді. Жалпақтау басым. Бекзат Саттархановтың өлімінің өзі бізге сабақ болу керек еді. Сондықтан әр нәрсенің шектеуі болу керек. Бұл спортшыларға қатты әсер етеді. Осы жолы барған боксшылар тым нашар деп айта алмаймын, бірақ тіптен дайын емес», — деді ол.
