Күз мезгілінің алғашқы айында Мемлекет басшысының Жолдауын асыға күтеміз.Себебі,жақсы күндерге деген сенім,жарқын болашаққа деген сәуле жарқырай түседі.Жаңа Жолдауда Президент еліміздің тұрақты дамуына мүмкіндік беретін маңызды бағыттарды атап өтті,өзекті мәселелерді қозғады.Барлық аталған тоғыз бағыт Қазақстан азаматтарының өмір сүру сапасын жақсартуға бағытталған.Әсіресе,бесінші бағытта еліміздің кадрлық әлеуетін біртіндеп арттыру өте маңызды екенін атап өтті.Қазіргі таңда сұранысқа ие саланы білікті мамандармен қамтамасыз ету басты міндеттердің бірі болып саналады.Жоғары білім саласын халықаралық білім беру кеңістігімен ықпалдастыру мақсатында елімізде шетелдің танымал 23 оқу орны өз жұмысын жүргізе бастады.Жоғары оқу орындарына үлкен сеніммен қатар зор жауапкершілік жүктелді.Мемлекет басшысы инновациялық саясатты еліміздің ғылыми-техникалық басымдықтарымен үйлестіру маңыздылығына баса назар аударды.Әрине,бұл әр саладағы инновацияға серпін беретіні анық.Сонымен бірге,жоғары оқу орындарындағы қолданбалы ғылымның әлеуетін арттыратыны сөзсіз.
Б.М.Айтбаева
Шетелдіктердің тілдік және жалпы білім беру дайындығы кафедрасы
