Семей қаласында 400-ге жуық Ұлттық ұлан сарбаздары Республикалық референдумда алғашқылардың бірі болып өз таңдауын жасады.
Таңғы уақытта Ұлттық ұланның «Шығыс» өңірлік қолбасшылығына қарасты 5511 әскери бөлімінің барлық жеке құрамы ұйымдасқан түрде сайлау учаскесіне келіп, дауыс беру рәсіміне қатысты.
Әскери бөлімнің сарбаздары еліміздің болашағына қатысты маңызды саяси шараға белсенді түрде қатысуды өздерінің азаматтық борышы деп санайды. Ұлттық ұлан сарбаздарының айтуынша, бұл референдумға қатысу — Қазақстанның дамуы мен тұрақтылығына өз үлестерін қосу үшін үлкен мүмкіндік. Олардың арасында алғаш рет дауыс беріп отырған азаматтар да бар. Референдумға қатысқан сарбаздардың барлығы ел болашағы үшін өз дауыстарын бергендеріне мақтанышпен қарайтынын айтты.
