Бүгін отандастарымыз ел болашағы үшін маңызды таңдау жасауда. Семей қаласындағы №30 сайлау учаскесіне дауыс беруге келген Шәкәрім университеті физика және химия зерттеулер мектебінің деканы Асқар Қасымов референдумда таңдау жасау әрбір тұрғынның азаматтық борышы екендігін айтты.
— Бүгін еліміз үшін маңызды оқиға орын алды. Тәуелсіз Қазақстанның әрбір азаматы өз ұстанымымен таңдау жасауға мүмкіндігі бар. Еліміздің болашағы үшін дұрыс шешім қабылдау өзекті. Бұл референдум арқылы мемлпекетіміздің әрмен қарай өркендеуіне үлес қосамыз. Сондықтан осы маңызды іс-шараға белсенді қатысуға және қолдауға шақырамын, — деді Асқар Қасымов.
№30 референдум учаскесінің төрағасы Адай Бальшиновтың айтуынша, учаскеге 2603 дауыс беруші тіркелген. 32 адам үйде дауыс беруге өтініш білдіріпті. Тұрғындар белсенді түрде дауыс беріп, таңдау жасауда.
Байқаушы Динара Карлқызының айтуынша, сайлау учаскесі өз жұмысын уақтылы бастаған. Дауыс беру барысында тәртіп бұзушылық орын алмапты.
Ай-Керім СӘРСЕНҚАЛИ
