Әл-Фараби атындағы Қазақ ұлттық университеті шетелдіктердің тілдік және жалпы білім беру дайындығы кафедрасының аға оқытушысы қадірлі Аида Садыққызы 13 қазанда мерейлі 60 жасқа толады.
Мерейтой иесі Аида Садыққызы 1982 жылы №120 орта мектепті «ағылшын тілі» мамандығы бойынша бітіріп, сол жылы М. В. Ломоносов атындағы Мәскеу мемлекеттік университетінің филология факультетіне оқуға түсті. Студент кезінде ол тіл біліміне қызығушылық танытты. 1987 жылы шет тілін меңгерген орыс тілі мен әдебиеті пәнінің мұғалімі мамандығын М. В. Ломоносов атындағы Мәскеу мемлекеттік университетінің филология факультетінде оқып бітірді. 1987 жылы ассистент болып кіріп, қырық жылдан астам уақыт жас ұрпаққа білім мен тәрбие беру ісіне үздіксіз белсене атсалысып келеді. Еліміздің білім беру саласын дамытуға қосқан үлесі орасан зор. Аида Садыққызы шетелдіктердің тілдік және жалпы білім беру дайындығы кафедрасы тарихында қалыптасқан дәстүрді дамыта отырып, өз қолтаңбасын қалдыруға бар күш-жігерің жұмсауда. Аида Садыққызы орыс тілін шет тілі ретінде оқыту әдістемесін өте жақсы меңгерген және барлық соңғы жаңалықтарды пайдаланады. Оның сабақтары қызықты, мазмұнды және оқушыларға өте ұнайды. 2010 жылы «әл-Фараби атындағы ҚазҰУ-дың үздік оқытушысы» атағына жарияланған конкурс нәтижесі бойынша «Факультеттің үздік оқытушысы» атағын алды. Аида Садыққызы ғылыми-әдістемелік жұмыстармен айналысып, мақалалар, оқу құралдарын жазып, үнемі республикалық және халықаралық конференцияларға қатысып отырады. Ол 100-ге жуық басылымның авторы. Оны қамқор адам деп айтуға болады! Жұмыстың барлық түріне шығармашылықпен қарайды, бар білім мен күшін өзінің сүйікті ісіне береді. Оның бүкіл өмірі факультетпен, сүйікті ұстаздық қызметімен байланысты. Ол Камбоджа, Вьетнам, Лаос, Кашмир, Ауғанстан, Пәкістан, Үндістан, Қытай, Корея, Кения, Мали, Түркия, Моңғолия, Чили, Испания, Франция, Ұлыбритания, АҚШ елдерінің студенттерімен жұмыс істеді. Бұл елдерден келген студенттер орыс тілін өздерінің еңбектерімен ғана емес, білікті де шебер ұстаздары Аида Садыққызының арқасында екенін айтады.
Білікті маман Аида Садыққызы өз білімімен, жоғары жауапкершілікпен және біліктілігімен әріптестеріңіз тәнті етуде. Аида Садыққызы – кафедра ұжымы арасында зор беделге және студенттердің құрметіне бөленіп отырған кәсіби маман. Ол – өз ісінің тамаша маманы, жауапкершілігі мол және еңбекқор адам.
Құрметті Аида Садыққызы, сізді мерейлі 60 жасыңызбен шын жүректен құттықтаймын. Ел игілігі жолындағы ізденістеріңіз таусылмай, шығармашылық табыстарға жете беріңіз! Алты белесіңіз сізді жаңа биіктерге бастасын! Деніңіз сау болып, шығармашылық ізденістеріңіз арта берсін, тәуелсіз қазақ елінің дамуына үлес қоса беріңіз!
Әл-Фараби атындағы Қазақ ұлттық университеті
шетелдіктердің тілдік және жалпы білім беру дайындығы кафедрасының меңгерушісі, филология ғылымдарының кадидаты, қауымдастырылған профессор Бақыт Манатқызы Айтбаева
