2024 жылғы 6 желтоқсанда Қазақстанда халықаралық жүк тасымалы мен жолаушылар тасымалы саласында маңызды оқиға орын алды: Қазақстан Республикасының (ҚР) және Қытай Халы Республикасының (ҚХР) азаматтарын «Бақты» шекаралық бақылау бөлімшесінде өткізу қайта басталды. Бұл оқиға жолаушылар терминалының қайта құру құрылысынан кейін орын алды. Терминалдың ашылуы достық ел арасындағы байланыстарды нығайту жолындағы маңызды қадам болып табылады және саяхатшылар үшін жағдайларды жақсартуға және сауда айналымын арттыруға бағытталған.
Аталмыш шараға Қазақстан мен Қытайдың мемлекеттік органдарының жоғары лауазымды өкілдері қатысты. Іс-шараға қатысушылар қатарында: ҚР ҰҚК Шекара қызметі Абай облысы бойынша департаментінің бастығы полковник Ахметов Асхат Болатович, ҚР Мемлекеттік кіріс комитеті төрағасының орынбасары А.С. Слямов, Абай облысы Мемлекеттік кіріс департаментінің бастығы Р.М. Данияров, Мақаншы ауданының әкімі Д.Б. Койгельдин, Қытай Халық Республикасынан келген дипломатиялық делегация өкілдері болды.
Терминалдың ашылуының маңызды аспектісі- шекаралық өткізу пунктінің өткізу қабілетінің арттырылуы, бұл бақылау процесін айтарлықтай жылдамдатып, екі ел азаматтары үшін жайлы жағдайды жасауды қамтамасыз етеді. Сонымен қатар, терминал тек жолаушыларды ғана емес, жүк ағындарын да қабылдайды, бұл өз кезегінде логистикалық байланыстарды жақсартып, Қазақстан мен Қытай арасындағы сауданы дамытуға ықпал етеді.
«Бақты» өткізу пунктінің жұмысын қайта жандандыру нәтижесінде екі ел арасындағы жолаушы ағыны мен сауда айналымының едәуір артуы күтілуде. Инфрақұрылымды жақсарту тек туристік және іскерлік сапарлардың өсуіне ғана емес, сауданың жандануына да себеп болады, бұл екі елдің экономикасына оң әсерін тигізеді.
Терминалдың ашылу салтанаты құрметті жағдайда өтті. Іс-шара барысында қатысушылар Қазақстан мен Қытай арасындағы көлік және шекара инфрақұрылымы саласындағы ынтымақтастықты одан әрі нығайту маңыздылығын атап өтті. Бұл бастама шекаралас аймақтардың экономикалық даму үшін жаңа мүмкіндіктерді ашып, сондай-ақ туристік және мәдени алмасуға жол ашатындығы күтілуде.
«Бақты» өткізу пунктіндегі азаматтарды өткізу қайта жандануымен Қазақстан мен Қытай арасындағы екіжақты ынтымақтастықты тереңдетудің жаңа кезеңі басталды. Терминалдың ашылуы – бұл азаматтар үшін жайлы жағдай жасау ғана емес, екі ел арасындағы экономикалық және мәдени байланыстарды нығайту жолында стратегиялық қадам болып табылады, бұл өз кезегінде өзара тиәмді серіктестікті дамытуға деген ортақ ұмтылысты көрсетеді.
Бұл іс-шара сондай-ақ көршілер арасындағы сенім мен түсіністік нығаюына және Еуразиялық экономикалық кеңістік пен «Бір белдеу – бір жол» бастамасы аясында интеграцияның одан әрі тереңдеуіне ықпал етті.
