Қазақстан Республикасы Еңбек және халықты әлеуметтік қорғау министрінің 2024 жылғы 31 шілдедегі бұйрығымен № 288 (бұдан әрі-бұйрық) 2025 жылғы 1 қаңтардан бастап қолданысқа енгізілетін «Еңбекші көшіп келушіге рұқсат беру, ұзарту және кері қайтарып алу қағидаларын бекіту туралы» Қазақстан Республикасы Еңбек және халықты әлеуметтік қорғау министрінің 2022 жылғы 15 сәуірдегі № 123 бұйрығына өзгерістер енгізілді.
Мәселен, бұйрықтың 29-тармағына сәйкес, рұқсатты алған еңбекші көшіп келушіні тартатын жұмыс беруші Қазақстан Республикасы Еңбек Кодексінің 23 – бабы 2-тармағының 27) тармақшасында көзделген тәртіппен еңбек шартын жасасу және қызметкермен еңбек шартын тоқтату туралы ақпаратты еңбек шарттарын есепке алудың бірыңғай жүйесіне (ЕШЕБЖ АЖ) енгізеді, немесе «hr.enbek.kz» веб-порталында еңбек шартын жасасу керек.
Еңбек шарттарын есепке алудың бірыңғай жүйесінде (ЕШЕБЖ АЖ) еңбек шарттары енгізілмеген жағдайда, кейіннен шетелдіктердің уақытша тұруға рұқсат алудан бас тартуына әкеледі.
