Абай облысында Қазақстан халқы Ассамблеясының 30 жылдығына орай «Жұмыстың жаманы жоқ, кез келген еңбек қадірлі» атты диалог алаңы өтті. Іс-шараға Абай облысы ҚХА Ақсақалдар кеңесінің өкілдері, колледж студенттері және өңірдің қоғам қайраткерлері қатысты.
Кездесу барысында еңбекқорлықтың маңызы, адал еңбектің қоғамның дамуына тигізетін әсері, сондай-ақ жастар арасында еңбек құндылықтарын насихаттау мәселелері талқыланды. Ақсақалдар өз өмірлік тәжірибелерімен бөлісіп, адал еңбектің мәні мен оның тұлғаның қалыптасуына ықпалы туралы әңгімеледі.
Ерекше назар жастардың кәсіби бағдарлануына, сұранысқа ие мамандықтарға және жұмысқа орналасу перспективаларына аударылды. Диалогқа қатысушылар кез келген еңбектің құрметке лайық екенін, ал табандылық пен еңбекқорлық – жетістікке жетудің басты кілті екенін атап өтті.
Іс-шара соңында студенттер ақсақалдарға даналыққа толы өсиеттері үшін алғыс айтып, алған білімдерін өмірде қолдануға дайын екендерін білдірді.
