Ұлттық құрылтайдың төртінші отырысында Мемлекет басшысы Қасым-Жомарт Тоқаев салық реформасын елдің экономикалық дамуының негізгі міндеттерінің бірі ретінде белгіледі, деп хабарлайды El.kz ақпарат агенттігі.
Бұл туралы ҚР Сенат депутаты 24.kz арнасына берген сұхбатында Евгений Больгерт айтты.
Президент шешуші қадам жасамасақ экономика елеулі сын-қатерлерге тап болуы мүмкін екенін атап өтіп, заңнамаға шұғыл түрде қажетті өзгерістер енгізуді тапсырды. Оның айтуынша, ұсынылған шаралар негізгі экономикалық және әлеуметтік факторларды ескереді. «Салық реформасы туралы айтатын болсақ, дәл қазір нақты шаралар қажет, әйтпесе біз мүлдем басқа тәртіптегі қиындықтарға тап боламыз», — деп түйіндеген еді Президент. Біз бюджет қаражатының тапшылығына әдейі бардық, бір немесе басқа секторды ынталандыруға үміттендік, бірақ бұл айтарлықтай нәтиже бермеді. Үкіметтің мәліметінше, салық жеңілдіктері 4-5 есеге қысқарады, бұл бюджетке 1 трлн теңгеден астам қаражат береді. Тиімділігі дәлелденгендер ғана қалады, -деді сенатор.
Сонымен қатар, ол «Бәйтерек» холдингі Үкіметтің шешімі бойынша нақты сектордағы жобаларды қаржыландыру үшін қорландыруды қосымша қамтамасыз ететінін еске салды.
Депутат Никита Шаталовтың пікірінше, Қасым-Жомарт Тоқаев Ұлттық құрылтайда мәлімдеген салық реформасы ҚҚС төлеудің ашықтығын қамтамасыз ету, көлеңкелі экономикамен күресу және бизнеске жасалған жағдайларды теңестіру үшін маңызды қадам. Ол өзінің Telegram арнасында осындай пікір білдірді.
Қазір Мәжілістегі жұмыс тобында қызу талқыланып жатқан салық реформасына жеке тоқталғым келеді. Президент реформаның өзіндік мотиві бар екенін айтты: әлеуметтік капиталды инвестициялауды жалғастыру үшін бюджетті теңгерімдеу қажеттілігі де және кәсіпкерлік сектордағы бәсекелестік жағдайларды теңестіру, яғни, көлеңкелі экономиканы, ең болмағанда, ҚҚС және корпоративтік табыс салығы бойынша төлемдерді толығымен жою екенін атап өтті, — дейді депутат.
Мемлекеттік органдардың шығындарын қысқарту мәселесі де назардан тыс қалған жоқ.
Президент басым емес шығындарды оңтайландыру керектігін ерекше атап өтті. Бюджеттік бағдарламалардың әкімшілері бұған қатты қарсылық танытты – үкімет оңтайландыру болғанын, одан әрі қысқарту мүмкін емес екендігін айтты, ал әкімдіктер орталықтан инфрақұрылымға ақша сұрай отырып, әкімдіктердің түрлі бастамаларына өз кірістерін пайдалануды жалғастырды. Президент бұған да назар аударды және оның бастамасын жүзеге асыруда жергілікті билік үшін KPI қарастырылғаны жөн, — деп жазды ол.
Оның пікірінше, салық реформасы аймақтық саясатқа да әсер етеді, өйткені Президент нақты секторды қаржыландыруға, аймақтық теңгерімсіздіктерді жоюға және өсудің жаңа нүктелерін табуға ерекше назар аударды.
Мәжіліс депутаты Наталья Дементьева мен журналист Евгения Сазонова Президенттің ҚҚС көтеру туралы тезисіне оң баға беріп, бизнесті бөлшектеу тәжірибесін тоқтату қажеттігін атап өтті. Мәжіліс депутаты Мұрат Әбенов ҚҚС мөлшерлемесін көтеруді қолдаған экономист Жақсыбек Құлекеевтің пікірін жариялады, себебі бұл қазақстандық кәсіпкерлерге ресейлік импорттаушылармен бәсекелесуге мүмкіндік береді.
Сарапшылардың пікірінше, талқыланып отырған салық реформасы бюджетке түсетін түсімдерді ұлғайтып қана қоймай, бизнес үшін неғұрлым ашық және әділ жағдайлар жасауға бағытталған. Салықтық жеңілдіктерді оңтайландыру, бюджет шығындарының тиімділігін арттыру және көлеңкелі экономикамен күрес – өзгерістердің негізгі бағыттары. Бұл шаралар Қазақстанға тұрақты экономикалық өсуді қамтамасыз етуге көмектесіп қана қоймай, сондай-ақ фискалдық жүктемені теңестіріп, аймақтық дамуды күшейтеді.
