Зайсан ауданындағы қала және ауылдық округтері әкімдері жұртшылық алдында өткен жылы атқарған жұмыстары туралы есеп берді. Оған қала және әрбір елдімекендердегі тұрғындар ұйымшылдықпен қатысып, өз белсенділіктерін байқатты. Сарытерек ауылдық округінің аумағында орналасқан Шалқар ауылында өткен ауыл әкімінің есеп беру жиынына аудан әкімі Алмас Оңдақанов қатысты.
{jcomments on}Өткен жылқы жылында ауылдық округтер бойынша Елбасының саясатын жүзеге асыруда облыс, аудан әкімдері тарапанынан берілген тапсырмалардың орындалуы, әрбір салада шешімін тапқан мәселелер, жоспарланған жұмыстар туралы баяндаған ауыл әкімі Ә.Орынбаев алдағы уақыттың еншісінде тұрған нақтылы міндеттерді де көпшілікке тізбектеп жеткізіп берді.
Есепті мерзім ішінде округ бойынша мемлекеттік бағдарламалар аясында жүзеге асырылған шаруаларға сараптама жасалды. Атап айтқанда, «Жұмыспен қамту-2020» бағдарламасы бойынша несие алғандардың басым бөлігі мал өсіруге бетбұрыс жасаған. Мал тұқымын асылдандырып, атакәсіпті өркендетуді мақсат еткендердің шаруасы шарықтап, көсегесі көгерген.
Баяндамашы ауыл тұрғындары үшін негізгі табыс көзі болып саналатын мал және егін шаруашылығына байланысты күн тәртібіне енгізілген мәселелерге тоқталды. Мал басын асылдандыру, егіншілікті дамыту, шаруа қожалықтарын ірілендіру сияқты шаруалардың барысына көпшіліктің назарын аударды. Ауылдағы еңбек адамдары атакәсіпті дамыту жолында көптеген жарқын бастамалардың жаршысы атанып жүр. Халықты сапалы және құнарлы азық-түлік түрлерімен қамтамасыз етуде әрбір елдімекенде айтарлықтай жұмыс-тар жалғасын тапқан. Ауылдық округ аумағында сауда саласы бойынша сегіз дүкен халыққа қызмет көрсетсе, оның екеуі өткен жылдан бастап жаңадан іске кіріскен.
Елдімекендерді көркейтіп, көріктендіру бағытында жүйелі жұмыстар атқарылуда, биылғы жылы газдандыру бағытындағы шаруалар қолға алынбақ. Мұның өзі бүгінгі ауыл келбетінің дәулетіне сәулеті сай болып, әр отбасының тұрмыстық жағдайын жақсарта түсетін қуанышты жаңалық. Тоғыз жолдың торабында орналас-қан Шалқар ауылындағы тұрғындардың тіршілігі де көңілге қуаныш ұялатады. Ауыл жастары белсенді, олар мәдени, спорттық шараларға қатысып, өз өнерлерімен жерлестерінің қошеметіне бөленуде. Жиында мектеп директоры Б.Масабаева және Т.Балғабаев, М.Шотанбаев, тағы бас-қалар өздерінің көкейінде жүрген мәселелерді ортаға салды. Сөз кезегін алғандардың әрқайсысы орталарына арнайы келіп, ауыл әкімінің есепті жиынына қатысқан Алмас Аманқолұлына ризашылықтарын білдіре отырып, ауданның әлеуметтік-экономикасын дамыту бағытында елдімекендерде атқарылып жатқан игілікті істерге, көріктендіру, көркейту, абаттандыру жұмыстарына алғыстарын айтты. Аудан басшысының жаңа жылдағы қызметіне де жетістіктер тіледі.
Жиында сөз сөйлеген аудан әкімі Алмас Оңдақанов Мемлекет басшысының «Нұрлы жол — болашаққа бастар жол» атты Жолдауынан туындайтын жауапты міндеттерге, Елбасының сындарлы саясатын жүзеге асыруда облыста, ауданда атқарылып жатқан жұ-мыстарға тоқталды. Облыс әкімінің тапсырмасымен өңірдің әр саласында жалғасын тапқан игілікті істерді, алда тұрған міндеттерді де көпшілікке жеткізді. Сондай-ақ, есепті жиында тұрғындар тарапынан қойылған сұрақтарға толығымен жауап қайтарылды. Жиын соңында ауылдық округі әкімінің жұмысына «қанағаттанарлық» деген баға берілді.
Ардақты БӨЛДЕКБАЙ,
«Семей таңы»
