Барлық деңгейдегі әкімдердің халық алдындағы есеп беру кездесуі өтуде. Биылғы жылы Бесқарағай ауданы бойынша есеп беру жиынын алғашқы болып Ерназар ауылдық округінің әкімі Р.Заденов бастады. Бүгінде ауданға қарасты тоғыз ауылдық округте есеп беру кездесулері сәтті аяқталды. Ауыл және аудан көлемінде біршама өзекті мәселелер көтеріліп, талқыға салынып, шешімін табуда. Аудан әкімі Нұрлан Сыдықов әр ауылдық округте өткен есептік кездесулерінде жұртшылыққа өткен жылы Бесқарағай ауданында атқарылған жұмыстар жайлы, ауданның әлеуметтік-экономикалық дамуы туралы есебін баяндап, 2015 жылға арналған жоспарларымен де таныстырды. Кездесулер барысында ауыл тұрғындары ауқымды мәселелерді көтеріп қана қоймай, өз ұсыныстары мен ескертулерін де айтуларына мүмкіндік алды.
{jcomments on}Есептік жиындарда көбіне бұған дейінгі өткен кездесулерде көтерілген көшелердегі жарық шамдарының қуатының төмендігі, ұялы телефон байланысын жақсарту, қыс уақытында жолдарды тазарту жұмыстарының әлсіздігі, интернет желісінің ауданға қарасты 12 ауылда жұмыс жасамайтындығы сынды әлеуметтік мәселелер сөз болды. Аталған проблемалар көп ұзамай жо-йылмақ. Себебі күн санап халықтың сұранысы артуда, әрі ақпарат заманында көштен қалмау үшін жергілікті билік өкілдері барынша әрекет жасауда. Сонымен қатар есеп барысында ағымдағы жылы жол жүру ережесіне қатысты енгізілген өзгерістер мен толықтырулар жайлы мәлімет берілді. Есепті тыңдап болған соң тұрғындар көкейлерінде жүрген сауалдарына нақты жауаптар алып, аудан әкімі мен ауылдық округтер әкім-дерінің есептеріне оң бағаларын берді.
Өзгеше өткен есептік кездесулерде алдымен ауылдық округ әкімінің ауыл тұрғындары алдындағы баяндамасы тыңдалып, содан кейін бірден аудан әкімі Нұрлан Сыдықовтың есебі қатар жүргізілді. Халықты сан қайтара жинамай, уақыт үнемдеу мақсатында әр деңгейдегі әкімдердің бір уақытта есеп берулерін халық бірден құптады. Аудан басшысының толыққанды баяндамасын ұйып тыңдаған халық ауылдық округтерде, аудан көлемінде атқарылған жұмыстардан хабардар болып, Нұрлан Бәтташұлының жұмысын жоғары бағалап, жылы лебіздерін де білдірді. Ауданда қарқынды түрде іске асырылып жатқан «Жұмыспен қамту — 2020» бағдарламасы аясында жаңа нысандар бой көтеріп, жаңа жұмыс көздерінің ашыл-ғандығы, ауыз су мәселесінің шешімін тапқандығы, ауданда 21 құрылыс нысанының тіркелгені және биылғы жылдың еншісіне берілген Башкуль, Мостик ауылдарындағы мектептердің құрылысы мен дене шынықтыру- сауықтыру кешенінің құрылысын тәмамдау, ауылдарды абаттандыру, жарықтандыру, жолдарды қалыпқа келтіру, биылғы жылы тойланатын 5 ірі мерейтойларға дайындық жүргізу сынды жайттар да сөз болды.
Өткен жылы облыс басшысының қолдауымен ауданға үлкен қаражат қарастырылып, өңірге қарасты қалалар мен аудандардың көмегімен де біршама ауқымды істердің атқарылғандығына халық куә. Аудандағы әрбір игі істің басы-қасынан табылған аудан әкімінің жұмысына халық дән риза. Бұған есептік кездесулер барысында айтылған халықтың оң көзқарастары мен берген бағалары да дәлел болмақ. Есептік кездесулер соңында ауданның тыныс-тіршілігіне етене араласып, әлеуметік-экономикалық дамуына өзіндік үлес қосқан азаматтар мен азаматшалар аудан әкімінің Алғыс хаттарымен марапатталды. Сондай-ақ, «Нұр Отан» партиясына мүше болған бесқарағайлықтарға партия билеттері де табысталды.
Әсел ҚАСЫМҒОЖИНА,
«Семей таңы»
