Semeytany.kz – 27-29 шілде күндері Абай облысында «Түнгі қаладағы балалар» жедел-профилактикалық іс-шарасы өтеді. Бұл туралы Жергілікті полиция қызметі басқармасы бастығының орынбасары, полиция подполковнигі Бауыржан Садақбаев мәлімдеді.
Рейд барысында тәртіп сақшылары сағат 22:00-ден кейін көшеде заңды өкілінсіз жүрген балаларды анықтап, тексеру жүргізеді. 23:00-ден кейін кәмелетке толмағандардың ата-анасыз үйден тыс жерде жүруіне заңмен тыйым салынған.
Полиция қызметкерлері аулалар мен саябақтарды, скверлер мен жастар жиналатын орындарды аралап, қауіптің алдын алмақ. Тәртіп бұзған жасөспірімдермен профилактикалық жұмыс жүргізіледі. Ал заңға қайшы әрекетке барғандардың ата-аналары әкімшілік жауапкершілікке тартылуы мүмкін.
