Аудан әкімі міндетін атқарушы Рамил Сағындықовтың төрағалығымен аппараттық кеңес отырысы өтті. Күн тәртібінде сүт өндірісін өркендету мен бюджеттік шығындарды оңтайландыру мәселелері қаралды.
{jcomments on}Аудандағы сүт өндірісін өркендетудің жоспарын іске асыру жөнінде ауылшаруашылық және мал дәрігері бөлімінің басшысы М.Теміржанов, Бастаушы ауылдық округінің әкімі М.Қапшықов пен Көкжайық ауылдық округінің әкімі Н.Сүлейменов хабардар етті. Округ әкімдері жай ғана деректерді атап өтпеу керектігін тілге тиек еткен Рамил Нығметжанұлы ауылшаруашылық бөлімінің басшысына жұмыс жоспарларының сараптамасы болу керектігін және өзекті мәселелерді шешу жолдарын көрсету қажеттігін ескертті. Аудан әкімінің міндетін атқарушы осы мәселе төңірегінде Бастаушы және Көкжайық ауылдық округ әкімдері мал шаруашылығының негізгі көрсеткіштері бойынша есептеулер жүргізуде мұқияттылық қажет екендігін айтты.
— Ауылдық округ әкімдеріне берілген бірінші кезектегі тапсырма – сүт жинау мен қабылдау пункттерін ұйымдастыру. Бұл нақтыланған жоба болуға тиісті. Уақыт бір орында тұрмайды, өткенге телмірудің қажеті жоқ, бүгінгі таңда осы мәселе бойынша инновациялар көп. Бұл мәселені округ тұрғындары мен кәсіпкерлерге дұрыс жеткізу қажет. Сонымен қатар мемлекет сүт өндіру жабдықтарына кеткен шығындарды субсидияландыратынын түсіндіру керек. Сондықтан мемлекеттік бағдарламалардың әлеуетін пайдалануға міндеттіміз. Бұл тақырып дағдарыспен де байланысты ерекше өзекті болып табылады. Бюджет саласындағы жұмысшыларды қысқарту күтілуде, сондықтан адамдар басқа кіріс көздерінің мүмкіндіктерінен хабардар болулары тиіс. Әзірге бұл мәселе төңірегіндегі ауылдық округ әкімдерінің жұмыстары көңіл толтырарлық емес, – деді Рамил Нығметжанұлы.
Сүт өндірісін ұйымдастыру мәселесі жөнінде де сөз қоз-ғалды. Кәсіпкерлік бөлімінің басшысы Н.Алиясовты тыңдай келе, Р.Сағындықов бүгінгі күні аудандағы сүт пен сүт өнімдерінің сараптамасы жоқтығын атап айтты.
– Сүт өнімдерін сату орындарында оның қандай мөлшерде екені, оларға деген сұраныс қандай, білім және денсаулық сақтау мекемелері мен ауыл тұрғындарының сүтке деген сұранысы қаншалықты екенін ешкім білмейді, – деді ол. Сол себепті әкім міндетін атқарушы кәсіпкерлер бөліміне шұғыл тапсырма берді.
Жиналысты қорытындылай келе, Рамил Нығметжанұлы әлемдік дағдарысқа байланысты бөлім басшыларына бюджет шығындарын оңтайландыруды қолға алуды тапсырды.
– Оңтайландыру үрдісі – таңдау жасаудың ең қолайлы нұсқасы, – деп қадап айтты ол, — бұл ауқымды үрдісті жүзеге асыру барысында ағымдағы негізсіз шығындар қысқаратыны анық. Бірақ нені қалай қысқартуды білу маңызды. Жағымсыз жағдайларды болдырмау үшін бюджет қаражатын тиімді пайдалануды қамтамасыз ету – бөлім басшыларының басты міндеті.
Надежда ШАРОВА,
Көкпекті ауданы.
