Semeytany.kz — Абай облысының әкімі Берік Уәли «Комитет Полигон-21» қоғамдық ұйымының төрағасы Марат Құрманбаймен кездесті. Жүздесуде биыл Семей полигонының жабылғанына 34 жыл толатын 29 тамызға орай өтетін іс-шаралар жоспары және ұйымның жаңа бағдарламасы таныстырылды.
Кездесу барысында Марат Құрманбай ұйым тарапынан бірқатар бастамалар мен ұсыныстарды ұсынды. Өз кезегінде Берік Уәли өңірде ядролық сынақтың салдарын еңсеру, тарихи әділеттілікті дәріптеу және экологиялық қауіпсіздікті күшейту бағытындағы жұмыстардың жалғасатынын айтты.
«Комитет Полигон-21» — Семей полигоны мұрасына қатысты қоғамдық бастамаларды үйлестіретін ұйым. Жаңа бағдарлама аясында жергілікті қоғамдастықпен бірлескен іс-қимылға басымдық берілмек.
Әкімдік пен қоғамдық ұйым алдағы уақытта өзара ынтымақтастықты нығайтып, 29 тамызға арналған шараларды бірлесе жүзеге асыруға келісті.
