6 ақпан күні еліміз бойынша Қазақстан Халқы Ассамблеясы жылының салтанатты ашылуы өтті. Бұл айтулы сәтке орай әртүрлі ұлт өкілдері береке-бірлікте, тату-тәтті жемісті еңбек етіп, өмір сүріп отырған Үржар ауданында да «Қазақстан халқы Ассамблеясы жылының бастау алуы» атты синхрон-акциясы өтті.
{jcomments on}Салтанатты сәтте сөз алған аудан әкімі Серік Зайнулдин Елбасымыз Н.Ә.Назарбаев Қазақстан халық Ассамблеясын құру идеясын алғаш рет 1992 жылы жариялағандығын, мұндай институтты құру қажеттілігі саяси тұрғыдан, сондай-ақ жаңадан құрылған тәуелсіз полиэтносты, поликонфессиялық мемлекеттің тұрақты дамуы тұрғысынан туындағандығын тілге тиек етті. Сондай-ақ, бұл бастама мәдениетаралық диалогты нығайтудың жаңа кезеңінің негізін қалап, этносарал-ық қатынастарды дамыту мәселелерін жоғары деңгейде шешуге мүмкіндік жасайтын әлемдік тәжірибедегі тың бағыт болып табылатындығын да айтты.
— 20 жылдық тарихы бар ұйым елдің саяси жүйесінің маңызды бір бөлігіне айналып, ол Қазақстанды мекендейтін барлық ұлттар мен этностардың мүдделерін, құқықтарын бір арнаға түйістірді. Әрбір ұлттың тегіне, дініне, көзқарасына қарамастан барлық азаматтардың құқықтары мен еркіндіктерінің бұлжытпай сақталуын қамтамасыз етті.
Түптеп келгенде, Ассамблея еліміздегі халықтардың тұрмыстық деңгейдегі ұлтшылдықтың пайда болуына жол бермейтін, бір-біріне төзімділікке, шыдамдылыққа тәрбиелеуді дәріптейтін ең маңызды ұйымның бірі болып саналады. Осының нәтижесінде әрбір қазақстандық кең ауқымды ойланып, достық пен өзара түсіністікті бағалауға жетелеу жолында жемісті еңбек етуде. Осыған байланысты бұл ұйым мемлекетімізді мекендейтін этнос өкілдерін бірлікке шақырып, елдегі демографияның қалыптасуына тікелей атсалысуда, — дей келе, аудан басшысы Елбасы бастамасы бойынша құрылған мемлекеттік, ұлттық саясатты дамытумен жетілдірудің ерекше маңызды құралы болып саналатын Қазақстан халқы Ассамблеясы бүгінде елді біріктіруде, этностар мен ұлттар арасындағы бейбітшілік пен келісімді, татулықты- нығайтуда аса маңызды қыз-мет атқаратындығын ерекше атап өтті. «Бірлігі мықты ел озады» демекші, елімізде 140 этнос пен 17 конфессияның өкілдері тұрақтылық пен бірлікті сақтап, тату-тәтті өмір сүріп жатқандығын баяндады. Үржар ауданы да көпұлтты аудан екендігіне тоқталды.
— Бүгінгі күні ауданда этносаралық татулық пен ауызбіршілік, ыры-с пен ынтымағымыз жарасып отыр. Ауданда барлығы 79718 халық тұрып жатыр, оның 9,2%-ы өзге ұлт өкілдері. Ауданда жоспарланып іске асырылып жатқан шаралармен аудан халқының береке-бірлігі мен ынтымығын жарастырып өзге ұлт өкілдерін береке-бірлікке тату тәтті өмір сүруіне ықпал етуде. Барлық ұйымдастырылатын шараларда өзге ұлт өкілдері белсенді атсалысты,- деді Серік Зинабекұлы.
Сөзін қорытындылаған аудан әкімі үржарлықтарды Қазақстан халқы Ассамблеясының 20 жылдығымен құттықтады.
Аудан халқы атынан сөз алған Крупская орта мектебі директорының оқу ісі жөніндегі меңгерушісі Федор Лабаденов татулық тұғырымыз екенд-ігін тілге тиек етті.
— Молдован, қазақ, орыс, қытай, неміс, украин ұлтының өкілдерімен, туыстарымызбен аралас-құраласпыз, бүгінгі таңда барлығымыз материалдық, моральдық жағынан молшылық пен тұрақтылықты сезініп отырмыз. Қазақстан сан түрлі ұлт пен ұлыстың ұрпағына кең құлашын жайып, ортақ Отанымызға айналды. Қазақ халқының қонақжайлылығы мен кеңпейілділігі еліміздегі барлық халықты бір мақсат, бір мүддеге жұмылдырып отыр. Біз бейбіт аспан астындағы ғұмырымыз үшін Елбасы Н.Назарбаевқа алғыс айтамыз,- дей келе, Мемлекет басшысының сындарлы саясатының арқасында болашаққа сеніммен қарайтындығын жеткізді. Сонымен қатар, әр ұлт пен ұлыстың мәдениетін, салт-дәстүрін, тілін, дінін сақтауға жағдай жасаған Мемлекет басшысына алғыс айтты.
Ақжарма тілектерден соң мереке композициялық қойылымдармен қоса патриоттық сарындағы және әр ұлт өкілдерінің ән-билерімен қыза түсті.
Бауыржан ЖАҚЫП,
«Семей таңы»
