{jcomments on}ШҚО әкімі Даниал Ахметов Францияның Алматыдағы Бас консулы Патрик Ренар бастап келген француз делегациясымен кездесу өткізді.
Кездесу барысында меймандарға Шығыс Қазақстанның туристік әлеуеті таныстырылды. Д.Ахметов ШҚО-дағы жан-жақты өнеркәсіптік және аграрлық саладағы аймақтың жетістігін айта отырып, серіктестікті нығайтудың маңыздылығына тоқталды.
— ШҚО өнеркәсіптік және аграрлық секторда үлкен әлеуетке ие. Әлемде өндірілетін титанның 17 %-ы ШҚО-ға тиесілі. Атомдық энергетиканы жолға қоюда бірқатар ірі жобалар бар. Сондықтан екі елдің серіктестігін нығайту арқылы нәтижелі жұмыс жүргізуге толық мүмкіндігіміз бар, — деді Д.Ахметов.
Кездесуде сондай-ақ ШҚО мен Лион қаласының екіжақты серіктестігін дамыту мәселесі талқыланды.
ШҚО Ақпараттық орталығы.
