Осыдан біраз уақыт бұрын Алла Пугачеваның жиені Никита мен қазақ қызы Аиданың арасындағы махаббат көпшілік назарын аударып, көп кешікпей олардың айырылысып кеткені жайлы ақпарат тараған болатын.
2017 жылы Алла Пугачёва́ның немересі Никита Пресняков модель Алена Красновамен үйленді. Олардың жұбы ертегіге ұқсайтын: сән-салтанатты той, жарасымды қарым-қатынас. Дегенмен, баспасөз беттерінде Аленаның әкесі қызының тым ерте тұрмысқа шығуын қолдамағаны туралы жиі айтылып жүрді — ол алдымен қыздың білім алып алуын дұрыс санаған.
Кейіннен ерлі-зайыптылардың айырылысып кетуі мүмкін деген әңгімелер де тарады, бірақ Никита мен Алена бұл сөздерді жоққа шығарып келді. Алайда жақында олар ажырасқандарын ресми түрде хабарлады.
Олардың хикаясы он жылға созылды. Салтанатты үйлену тойы 2017 жылы Мәскеу маңында өтті, бірнеше жылдан кейін олар АҚШ-қа көшіп барды. Үш жыл бұрын Алена Краснова Ресейге оралды.
КРАСНОВАМЕН НЕКЕГЕ ДЕЙІН
Көпшілік ұмытып кеткенімен, Аленамен үйленбей тұрып, Никитаның Аида Калиева есімді қызбен төрт жылға жуық (2010–2014 жж.) елеулі қарым-қатынасы болған.
Олар Нью-Йорктегі Ұлттық киноакадемияда танысты — Аида ол жаққа Work and Travel бағдарламасымен барған. Бұған дейін ол Қазақстанда халықаралық қатынастар факультетінде оқыған. Әкесі жергілікті әкімдікте қызмет етсе, анасы — оқытушы болған.
Аиданың жұлдызды отбасымен танысуы
Олардың қарым-қатынасы тез дамыды — бірнеше айдан кейін бір пәтерде тұра бастады. Жарты жылдан соң, Никитаның атасы Владимир Пресняков-старший Аиданы видеобайланыс арқылы көріп, кейін Мәскеуге оралғанда бүкіл отбасымен танысты. Аида барлығына жақсы әсер қалдырды — оның тәрбиесі мен жұмсақ мінезі туыстарына ұнады.
Олардың махаббаты жайлы көпшілік «Ёлки» фильмі премьерасында білді, олар алғаш рет қызыл кілемде бірге көрінді.
Үйлену ұсынысы және күтпеген айырылысу
Қарым-қатынастары соншалықты берік көрінді, көпшілік үйлену болады деп күтті. 2013 жылы Дубайда демалып жүргенде, Никита су астында «Маған тұрмысқа шық» деген жазуы бар табличка көрсетіп, Аидаға ұсыныс жасады. Аида келісімін берді.
Алайда 2014 жылы олардың қарым-қатынасы аяқталды. Аида бұл туралы көп айтпады, тек бәрі тыныш және бейбіт аяқталғанын айтты.
Кейбір деректерге сүйенсек, Никитаның тығыз жұмыс кестесі жеке өмірге уақыт қалдырмаған. Осыдан кейін оның өмірінде Алена Краснова пайда болды.
Пресняковпен романсынан кейінгі өмір
Айырылыстан кейін Аида өз өмірін жалғастырып,мансабы жолында жұмыс істеуде. Кинода эпизодтық рөлдерде ойнап көрді, кейін сән саласына бет бұрды. Бүгінде Калиева стилист, персоналдық шоппер, сән блогының авторы. Сонымен қатар, ол «Без выводов» атты подкаст жүргізеді.
Жеке өмірі туралы көп айтпайды. Ол махаббатты шын жүрекпен қабылдайтынын, жанында шығармашылық адам болғанын қалайтынын айтады. Оның пікірінше, идеал ер адамдар жоқ, ең бастысы — жақсы қасиеттері кемшіліктерінен басым түссе болғаны.
Никитаның ажырасуына Айданың көзқарасы қалай деген сауалға келер болсақ,
Пресняков пен Краснованың ажырасқаны жайлы хабар тарағаннан кейін, көптеген жанкүйерлер Аиданы еске алды. Тіпті, кейбіреулер Никитаға Аида көбірек сай келетін еді деп жазды.
Аида бұл жаңалыққа алғаш рет пікір білдірді. Ол өз өмірімен әлдеқашан өмір сүріп жатқанын және біреудің ажырасуын талқылауды жөн көрмейтінін айтты:
«Біз көп жыл бұрын айырылысқанбыз, қазір әрқайсымыздың өз жолымыз бар. Қазір болып жатқан жайт — олардың жеке шешімі, мен оған құрметпен қараймын», — деді Аида.
Бүгінде 33 жастағы Калиева Мәскеуде тұрады, бірнеше бағытта қатар дамып, өз кәсіби жолын сенімді түрде жалғастыруда.
Интернеттегі деректерге сүйеніп қазақшалаған және баспаға әзірлеген Ерлан Айқынұлы.
