Semeytany.kz — Аягөз ауданына қарасты Майлин ауылдық округінде «Ауыл құтқарушылары» бағдарламасы аясында өрт сөндіру бекеті ашылды. Жоба ауыл тұрғындарының қауіпсіздігін күшейтуге бағытталған.
Бекет құрамында 1 өрт сөндіру көлігі бар. Мұнда 1 жүргізуші және 3 қызметкер тәуліктік тәртіпте қызмет атқарады.
Майлин ауылдық округі Аягөз қаласынан 25 шақырым жерде орналасқан. 2025 жылғы ресми дерек бойынша мұнда 592 тұрғын тұрады. Елді мекеннің негізгі кәсібі — мал шаруашылығы, округ аумағында 48 шаруа қожалығы тіркелген.
Жаңа бекет төтенше жағдайларға жедел әрекет ету уақытын қысқартып, ауыл мен жақын маңдағы шаруашылықтардың тұрақты дамуына оң әсер етеді.
