Мемлекет басшысының бастамасы бойынша құрылған мемлекеттік, ұлттық саясатты дамыту мен жетілдірудің ерекше маңызды құралы болып саналатын Қазақстан халқы Ассамблеясы бүгінде елді біріктіруде, этностар мен ұлттар арасындағы бейбітшілік пен келісімді, татулықты нығайтуда аса маңызды қызмет атқарып келеді. Бұған шағын ғана ауылымыздағы тірлік те дәлел бола алады. Бесқарағай ауданына қарасты Башкуль ауылының тұрғындары үшін көпке дейін есте қалар оқиғалар — ауылдың 170 және 175 жылдық тойлары. Ресейден, Татарстаннан, Франциядан келген қонақтар Бесқарағай жерінің киелі де берекелі жер екеніне көздері жетті. Башкуль ауылы – тарихқа бай ауыл. Ауыл тарихы мен тойларын суреттейтін екі фильм мен кітаптар шығарылды. Сонымен қатар «Ауыл тарихы» атты мұражай да жұмыс атқарады. Ауылымызда көптен күткен жаңа мектеп құрылысы да аяқталды. Жаңаша үлгіде жабдықталған мектеп қабырғасында білімді де алғыр саналы ұрпақ тәрбиеленеді деген сенімдеміз. Ата-бабамыздан қалған Шабра саябағына биылғы жылы Татарстанның астанасы Қазан қаласынан жіберілген ағаштар отырғызылды. Туған жерін аңсайтын, ауылдарын мақтан тұтатын азаматтар да осы күні жетіп артылады.
{jcomments on}Бесқарағай аудандық «Башкуль» татар этномәдени орталығы Қазақстан Республикасының татар және башқұрт ұлттық-мәдени орталықтарының Ассоциациялар құрамына қабылданғандығын да ерекше атап өткім келеді. Орталық төрағасы Ринат Хамитов Қазақстан халқы Ассамблеясының «Бірлік» атты алтын белгісімен марапатталғандығы да — қуанарлық жайт. Жастар қанатының белсенді мүшесі Насырова Гүлия болса Қазан қаласында өткен дүниежүзілік татар жастарының форумына қатысып қайтты.
Барлық салада жүргізіліп жатқан жұмыстар еліміздің көркейіп, бәсекеге қабілетті елдер қатарына енуі үшін жасалған шаралар болып табылады. Мұны Елбасының сындарлы саясатының арқасында қол жеткізген жемісіміз деп білемін. Біздің міндет — Қазақстан халқының бірлігі бекем, тұрақты мемлекетте бақытты ғұмыр кешуіне өзіндік үлес қосу. Біздің мақсат – ортақ Отанымыз Қазақстанды көркейтіп, гүлденген елдер қатарынан көру. Олай болса, жұдырықтай жұмыл-ған қазақстандықтардың көздеген мақсаттарына қол жеткізер күні де алыс емес деп ойлаймын. Сондықтан еліміздегі кезектен тыс Президент сайлауын өткізу туралы жариялаған Қазақстан халқы Ассамблеясының Үндеуін қолдаймын. Мұны бүкіл халық болып бірауыздан қолдайтын бастама деп есептеймін.
Люция ХАМИТОВА,
«Башкуль» татар этномәдени орталығының мүшесі,
Бесқарағай ауданы.
