Қазақстандық өнімдерді қолдау және жылжыту бойынша өтіп жатқан «Қазақстанда жасал—ған» акциясына өңірлерде кеңінен қолдау көрсетілуде. Осыған орай жер—жердегі сауда орындарында отандық өнімдер қойыл—ған сөрелер ашылуда. Семей қаласының кәсіпкерлері мен тауар өндірушілері де алғаш—қылардың бірі болып аталмыш шараға өз үлестерін қосуда.
{jcomments on}«Қазақстанда жасалған» акциясын жүзеге асыру идеясын алғаш рет Үкіметтің кеңейтілген отырысында Президент Нұрсұлтан Назарбаев ұсынған болатын. Мемлекет басшысы қазақстандықтарды еліміздегі кәсіпорындарға қолдау көрсетіп, отандық өнімді сатып алуға шақырған еді.
«Қазақстанда жасалған» акциясына өз үлестерін қосуға ниет білдіргендердің бірі – қаладағы «Тамаша» сауда үйі. Сауда үйіндегі сөрелерде тұтынушылардың назарын аударатын «Қазақстанда жасалған» деген тақтайша ілініп, отандық тауарларға қолдау көрсету қажеттігі баяндалған жазбалар ілінген. Айта кету керек, аталмыш сауда үйіндегі тауарлардың 90 пайызы Қазақстанда жасалған.
— Үкіметтің кеңейтілген отырысындағы Елбасының тапсырмасын іске асыру үшін үлкен жұмыстар атқарудамыз. Ең алдымен «Қазақстанда жасалған» акциясы бойынша жергілікті кәсіпкерлерге түсіндіру жұмыстары жүргізілді. Бұл, өз кезегінде, отандық өндірушілер тарапынан қолдау тауып отыр, — деген Семей қаласы кәсіпкерлік бөлімінің басшысы Марат Нүгеров қаладағы әрбір үлкенді-кішілі дүкендерде «Қазақстанда жасалған» деген бұрыштар бар екенін, акцияны қолдау аясында алдағы уақытта да жұмыстар атқарыла беретінін атап өтіп, қала тұрғындары мен барша қазақстандықтарды отандық тауарды таңдауға шақырды. — Семейде мың жарымнан астам сауда орындары бар. Бүгінгі күні оларда сауда көлемі азайған жоқ. Керісінше, өткен жылға қарағанда көрсеткіш 2 пайызға өсіп отыр. Мәселен, былтыр 139 млрд. теңге, ал өткен айда 9,3 млрд. теңгенің өнімі саудаланды. Алдағы уақытта бұл жұмыстар әлі де жалғасатын болады.
Марат Нүгеровтің айтуынша, Қазақстанда, соның ішінде Семейде, өндірілген тауарлардың сапасы да, бағасы да сатып алушыларды қызықтырады және денсаулыққа пайдалы. Айта кету керек, Семейдегі әрбір дүкенде кем дегенде 70 пайыз Қазақстанда өндірілген тауарлар саудалануда.
«Қазақстанда жасалған» акциясы аясында дүкендер мен супермаркеттерде отандық өнімдер қойылған сөрелер арнайы тақтайшамен белгіленеді. Соның арқасында сатып алушылардың да отандық өнімдерді оңай табуына әрі таңдау жасауына мүмкіндік бар.
Асан МЫРЗАХАНОВ,
«Семей таңы»
