Әміре Қашаубаев атындағы мемлекеттік филармониясы Өскемен қаласында Металлургтер мәдениет сарайында Қазақ хандығының 550 жылдығы мен Абай Құнанбаевтың 170 жылдығына арналған концерт өткізді.
{jcomments on}Концерттік бағдарлама екі бөлімнен тұрды. Алғашқы бөлімде жастардың қатысуымен эстрадалық жанрдағы әндер шырқалды. Театрландырылған көріністер қойылып, қазақ хандығы құрылған мерзімнен бастап қазіргі кезеңге дейінгі тақырыптар қамтылды. Сонымен қатар Жеңістің 70 жылдығы, Қазақстан халқы Ассамблеясының 20 жылдығы тақырыптары қамтылды. Көрермендер өнерлі жастарға зор қошемет көрсетіп, жүрекжарды тілектерін білдірді.
Концерттің екінші бөлімінде Халықаралық фестивальдардың лауреаты «Бибігүл» қазақ халық аспаптары оркестрі, камералық оркестр, «Славянка» орыс халық аспаптары ансамблі, «Кербез» фольклорлы ансамблі және филармонияның әншілері мен бишілері өнер көрсетті. Мерейлі мерекелерге арналған облыс орталығында өткен концерттен көпшілік көрермен көтеріңкі көңіл күймен тарқасты.
«СТ» — ақпарат.
