{jcomments on}Қалбатау ауылындағы Георгиевка орта мектебінің базасында ұстаздар арасында спорттық сайыс өтті. Шара барысында командалар арасындағы 22-40 жас арасындағы ұстаздардың эстафетасы, постерлерді қорғау, баскетбол добымен секіру, «Кім жылдам?» ойыны, хоккей эстафетасы, гимнастикалық таяқшамен эстафета ұйымдастырылды. Басты ерекшелік – ұстаздардың аталған сайысқа бейжай қарамай, әр команда өздерінің киім үлгілерімен, топтың ұранымен келгендігі. Команда мүшелері өздерін «Фанта», «Қыран», «Жарқыраған жұлдыз», «Апельсин», «Тұлпар», «Z» командаларымыз деп таныстырды. Әділқазы мүшелері сайыс қорытындысын шығарғанша, 5 минуттық баскетбол ойыны да ойнатылды. Бірер сағатқа созылған спорттық шараның нәтижесінде 1 орынды «Тұлпар», 2 орынды «Апельсин» және «Z» командалары, ал 3 орынды «Фанта», «Қыран», «Жарқыраған жұлдыз» командалары иеленді.
Мадина ҚЫЗЖАНОВА,
Жарма ауданы.
