{jcomments on}Қаратал орта мектебінде Кембридж бағдарламасы бойынша деңгейлік курстан өткен мұғалімдер қауымдастығы жетекшісі жоғары санатты қазақ тілі пәнінің мұғалімі, І деңгейлі курстан өткен Шолпан Құмарбекованың ұйымдастыруымен Кембридж бағдарламасы бойынша деңгейлік курстан өткен мұғалімдер қауымдастығының аудандық семинары өтті. Семинарға 12 мектептің мұғалімдері қатысты. Семинар барысында ІІІ деңгейлік курс бағдарламасы бойынша сертификат алған ІІ санатты тарих пәнінің мұғалімі Камшат Ыдырышева ашық сабақ өткізсе, ІІ санатты бастауыш сыныптар мұғалімі Гүлжан Өскембаева «Оқушының жетістіктерін бағалаудағы критериалды бағалаудың маңызы» атты коучинг өткізді. Ал 28 жыл еңбек өтілі бар І санатты бастауыш сынып мұғалімі Бағжамал Тақатованың әдебиеттік оқу пәні бойынша «Сәбит Мұқановтың «Жылқы» шығармасына арналған 4 «а» сыныбымен өткізген ашық сабақтың мақсаты интербелсенді әдіс-тәсілдерді пайдаланып, оқушылардың сыни ойлау дағдыларын қалыптастыру болды. Осындай семинарлар арқылы мұғалімдер өз оқушыларының жетістіктерін көріп, басқалармен салыстыруға мүмкіндік алады.
Назира ҚАЛИЕВА,
«Семей таңы» газетінің штаттан тыс тілшісі.
