Семей қаласының Шәкәрім атындағы мемлекеттік университетінде «ЖОО – мектеп аймақтық жүйесінде интеграция және инновациялар» атты қалалық ғылыми-практикалық семинар өтті.
{jcomments on}Семинар жұмысына жоғарғы оқу орынының басшылары, Семей қаласының білім беру бөлімінің мамандары мен мектеп директорлары, «Мектеп базалық алаңдар» зерттеу жобасының шығармашылық тобының өкілдері қатысты.
Семинардың негізгі мақсаты — Семей қаласының Шәкәрім атындағы мемлекеттік университеті мен Семей аймағындағы білім беру мекемелерінің серіктестігі шеңберінде «Мектеп базалық алаңдар» жобасы бойынша орындалған жұмыстарды көрсету және талқылау, бұған қоса ЖОО мен мектеп арасындағы білім кеңістігінің тиімділігін арттыру үшін қосымша механизмдерді, даму бағыттарын және күтілетін қорытындыларды анықтау.
Айта кету керек, екіжақты ынтымақтастық шеңберінде Семей қаласының Шәкәрім атындағы мемлекеттік университеті және қалалық білім бөлімімен меморандум бекітіліп, екі жылда «ЖОО — мектеп» бағдарламасы бойынша бірнеше педагогикалық жобалар жүзеге асырылған. Сонымен қатар жоба аясында мектеп базалық алаңдар ұйымдастырылып, педагогикалық диагностика және қазіргі мұғалімнің профессиограммасын құру, «Педагогикалық шеберлік керуені» облыстық Педагогикалық континуумы, республикалық және аймақтық деңгейдегі бірлескен шаралар жүргізілген.
Семинар барысында «Мектеп базалық алаңдар» шеңбері жобасы бойынша бірге орындалған жұмыстар көрсетілді. Университеттің Педагогика жоғары мектебінің 15 кафедрасының оқытушылары және Семей аймағының 22 мектебінің мұғалімдерімен бірлесіп, кәсіби әрекетін көркейту үшін ғылыми-әдістемелік және зерттеу жұмыстары жүргізілгені сөз болды. Бұл жерде Семей қаласының Шәкәрім атындағы мемлекеттік университетінің «Мектеп базалық алаңдар» бойынша ең маңызды жұмысы ретінде «Мұғалімнің кәсіби қызметі жүйе-сіндегі қазіргі білім беру технологиясы» атты 2 томдық жинақтың басылып шыққанын айта кеткен жөн.
Жұмыс барысында мектептердің өкілдері және ЖОО оқытушылары «Мектеп базалық алаңдар» жобасымен бірігіп жасалған жұмыс тәжірибесі бойынша баяндамаларын оқыды. Таныстырудан кейін семи- нарға қатысушылар өз ойларымен бөлісіп, белсенді жұмыс жасағандарға университет ректорының алғыс хаттары табысталды. Жиын соңында ЖОО және мектеп ынтымақтастығының дамуы бойынша қатысушылар тарапынан бірқатар ұсыныстар айтылды.
Асан МЫРЗАХАНОВ,
«Семей таңы»
