Семей қаласы ІІБ – нің жедел іздестіру нәтижесінде дүкендердің бірінде сатушыны пышақтап өлтірген қылмыскер ұсталды.
{jcomments on}Оқиға биылғы жылдың ақпан айының басында орын алған. 24 жастағы қала тұрғыны алдын ала ойластырып, дүкен тонап, оңай олжаға кенелмек болады. Жас жігіт ойын жүзеге асыру үшін қара бетперде киіп, суық қарумен дүкенге басып кірген. Азық — түлік сатушыны пышақтап, қонаққа келген құрбысын да жаралайды. Кейін кассадағы 25 мың теңгені иеленіп, оқиға орнынан ізін суытқан.
— Жедел іздестіру шаралары барысында куәгерлер табылмады. Жапа шеккен құрбысынан да ақпарат ала алмадық. Алайда күдіктінің ерекше күртешесі қылмысты ашуға сеп болды. Көп ұзамай күдікті қолға түсті, — дейді Семей қаласы ІІБ криминалдық полиция бөлімі жеке тұлғаға қарсы қылмыстарды ашу бөлімшесінің бастығы Данияр Жағыпаров.
Қазір қылмыстық іс қозғалып, тергеу амалдары жалғасуда.
Асан МЫРЗАХАНОВ,
«Семей таңы»