Қазақстан Республикасының президентті-гіне үміткер Н.Ә. Назарбаевты қолдау бойынша Семей қалалық қоғамдық штаб төрағасының орынбасары Марат Құрманбай өткен жұма күні қала тұрғындарымен қоғамдық қабылдау өткізді.
Марат Серікжанұлы қоғамдық қабылдаудың басты мақсаты тұрғындармен тығыз байланыс жасау, әр азаматтың жеке мәселесіне жедел әрекет ету екенін атап өтті.
— Мұнда жұрт күн сайын кеңес алу үшін, жәрдем сұрау үшін келеді. Сәуірдің 26 — сы күні қала тұрғындары өз құқығын пайдаланып, сайлауға бір кісідей қатысатынына сенімдімін, — деп атап өтті штаб төрағасының орынбасары.
{jcomments on}Қоғамдық қабылдауға алғашқы келгендердің бірі — Галина Оразгалиева. Ол өзінің баспанасы тілсіз жаудан өртеніп кеткеннен кейін, «Нұр Отан» партиясының қоғамдық қабылдауына келіпті. Осы жерде оған көмек көрсетіліп, қала әкіміне өтініш білдіріп, баспаналы болыпты. Осы ретте Галина Оразгалиева көмек қолын созған барлық жанашыр жандарға өз алғысын жеткізді.
Айта кету керек, қоғамдық қабылдау таңғы сағат 9 – 00 — ден кешкі 19 — 00 — ге дейін жұмыс жасаса, сенбі күні түске дейін қабылдау жүргізеді.
Шынар РЫСАКОВА.
