Көктем – табиғатқа әсем нәр беретін уақыт, сонымен қатар көктемгі дала жұмыстарының қызатын шағы. Бірақ көктемдегі тасқыннан төнетін қауіп те тұрғындарды алаңдатпай қоймайды. Тасқынның алдын алу жұмыстары, аудан көлемінде қандай іс-шаралар жүргізіліп жатқаны жайлы ТҮКШ және жолаушылар көлігі және автокөлік жолдары бөлімінің басшысы Руслан Бектасов айтып берген болатын.
{jcomments on}- Ауданда тұтастай тасқынның болу жағдайы қатаң бақылауда. Жанар-жағармайдың, азық-түліктің және құм салынған қаптардың қажетті қорлары бар. Самар, Көкпекті, Құлынжон, Тассай ауылдық округтерінде тіп-тіке оқшауланған кіреберіс жолдар тазаланды. Шаруашылық жүргізуші субъектілерінің техникаларын тасқынның алдын алу шараларына қолдануға ауылдық округ әкімдерімен келісімшарттар жасалды. Аудан бойынша автокөлік жолдары үшін 17 көпір және 436 су ағызатын құбырлар бар, олардың барлығы қардан тазаланған. Көкпекті ауданында 11 гидротехникалық құрылыс бар. Олар: «Ешкібай» су қоймасы, «Лайлы» су қоймасы, «Қамысты» су қоймасы, «Бектемір» су қоймасы, «Қарғалы» тоғаны, «Черкашин» тоғаны, «Талменка» тоғаны, «Алтыбай» тоғаны, «Карповка» тоғаны, «Үлкенбөкен» тоғаны, Көкпекті ауылындағы жинақтаушы тоған. Гидротехникалық құрылысқа кіреберіс жолдары тазаланған. Тоғандардың және олардың топтасу жағдайларында суды тастау, шлюз арқылы қадағалау, бақылау ұйымдастырылған. Тасқын кезеңінің тұрақтылығы тасқынның алдын алу шаралары жұмыстарының мерзімінде орындалуы негізінде болады, — дейді Руслан Бектасов. – Тасқынның ағыны ауа райы және климаттық жағдайларға байланысты екеніне тоқталуымыз керек. Табиғаттың кез келген сынағына дайын тұруымыз қажет. Күндіз қардың еріп, түнде қатуы тасқынның жүріп өту кезеңіне тұрақты түрде жағдай туғызады. Бұл уақыттың айрықша мәнділігі — тұрғындардың белсенділігі. Өз шаруашылық құрылыстарын су басу қаупінен сақтау үшін аулаларындағы арықтар мен су ағатын жолдарды тазалау керек.
Сонымен қатар аз ғана қар жамылғысының қарқынды еру кезінде жеке құрылыстар мен нысандарды су басуы мүмкін екенін, сондықтан басталған жұмысты жалғастырып, жылымық кезінде гидротехникалық құрылыс және басқа да қауіпті жерлерге кезекшілікті нығайтып, жағдайдың жүйелі мониторингісін жүргізу керек екенін айтқан Руслан Бектасов алда тағы да тасқынның алдын алу шараларының төңірегінде ауқымды жұмыстардың тұрғанын, жағдайдың тұрақты болуы, ауыл адамдарының денсаулығы мен өмірі барлық қызметкерлердің бірлесуі мен тұрғындардың белсенділігіне тәуелді екенін жеткізді.
Көкпекті ауданы ішкі саясат бөлімі.
