Семей қаласының Шәкәрім атындағы мемлекеттік университетінде халықаралық ғылыми конференция басталды. Аталмыш іргелі шараға Алматыдағы Қ.Сәтбаев атындағы Қазақ Ұлттық техникалық университетінің Инженерлік бейіндегі зертханасының ғалымдары, Полимер материалдары мен технология институтының өкілдері қатысты. Қозғалған тақырып та ауқымды. Атап айтсақ, «Қоршаған ортаны қорғау, мұнай саласы, био-нанотехнология және медицина саласындағы арнайы полимерлер» VІ халықаралық семинарында тың зерттеулер мен жаңа ғылыми жаңалықтар қатары да сөз етілді.
{jcomments on}Аталмыш ғылыми семинардың жұмысына Ұлыбритания, Германия, Қырғызстан, Ресей, АҚШ, Финляндия елдерінен және Қазақстан ғалымдары бас қосқан болатын. Полимерлер физикасы және химиясы саласындағы белгілі зерттеушілер өзара пікір алмасып, аталмыш тақырып аясында ғылыми баяндамалар жасады.
Пленарлық мәжіліс Семей қаласының Шәкәрім атындағы мемлекеттік университетінің ректоры, саяси ғылымдарының докторы, профессор Шәріпбек Әмірбековтің кіріспе сөзімен басталды. Отандық ғылымдағы соны жетістіктер жайлы сөз еткен Ш.Ағабайұлы био-нанотехнология ғылымының игілігі жайында да айтып өтті.
Сондай-ақ пленарлық мәжілістерде германиялық профессор Манфред Штамм Лейбниц атындағы полимерлерді зерттеу институтының профессоры Владимир Лозинский, Мәскеу қаласындағы А.Н. Несмеянов атындағы Элементорганикалық қосылыстар институтының профессоры Владимир Асеев, Хельсинки университетінің профессоры Сергей Михаловский, Брайтон университетінің профессоры Виталий Хуторянский, ҚР ҰҒА академигі Есен Бектұров, Абай атындағы Қазақ ҰПУ профессоры Асылхан Жұманазарова, Түркияның Памукалле университеті профессоры Сарқыт Құдайбергенов, Семей қаласының Шәкәрім атындағы мемлекеттік университетінің ғалымдары баяндама жасады. Келелі пікір, тың көзқарастар ортаға салынды.
Семинар шеңберінде университеттің ғылыми кітапханасы ғылыми және оқу-әдістемелік әдебиеттерінің тақырыптық көрмесін ұйымдастырды.
«СТ» — ақпарат».
